عمك تنقو _طبيب اسنان
فكرة/محمد ميرغني
***
عمك تنقو في وسط الحلة
زهج اتنفر ومنها مل
قال لي صاحبو الجني حمادة
زور لي يا راستا شهادة
مشى اتصور وصلعتو سادة
وقال عايز يفتح ليه عيادة
أشهر تنقو في السودان
بقى في لحظة طبيب أسنان
بس احتار في العدة وحاجتو
فتش وفتش في الشنطة بتاعتو
لقى شاكوش ومعاو زردية
ومفتاح بلدي وموس هندية
وجاهو زبون متألم وشاكي
من الضرس الزول متباكي
عمك بي شاكوشو الكارب
راح في الضرس السالم ضارب
زولنا نعل اليوم الجابو
عيادة تنقو ونادى جنابو
قال في ضرسو عايز دية
اقل حاجة حيدفع مية
عمك تنقو شهادتو اتكشفت
وعيادتو خلاص ياناس اتقفلت
وجاتو العازة كمان زعلانة
ودفعت لي محبوبها ضمانة
عمك قال السجن أرحملو
من العازة والحتعملو !!
ليست هناك تعليقات:
إرسال تعليق