عمك تنقو شرطي مرور(2)
فكرة زاهر الطيب
تاريخ: 2 / ابريل/2011
***
عمك تنقو اليوم مسرور
اتعين رسمي شرطي مرور
قاشر عمك لابس الكاكي
اجمل منظر وعمك شاكي
خاتي في خشمو كمان صفارة
من الشمس لبس نضارة
عمك تنقو شرطي تمام
وخلى الحركة تنساب بي نظام
وكل سائق رابط حزام
جات العازة بكل بجاحة
خلت عمك وسط كتاحة
قال يا وليه سوقي براحة
شال الرخصه وشال مفتاحة
قالت يا جنابو كدا بصراحة
انا بت ناس وبت مرتاحة
امشي يا تنقو بعيد والعب
خليني اقولك معاي ح تتعب
انا فلانه بنت فلان
وراي رجالة وضهري ملان
قال ما تقولي قريبك وخالك
حتى إن شاء الله جنابو مالك
علشان اشرح لهيو كدا إهمالك
قال ليها يا وليه بلاش محسوبية
هاك إيصال مية % المية
عمك قال الليلة يا فرده
اكيد راجياك احلى رفده
رجع المكتب زي سارق سرقة
سلموا عمّك ظرف وورقة
عمك تنقو بشريط اترقى
ادوه وسام اخلاص وجدارة
قام حياهم بتعظيم وإشارة
اقيفو يا جماعة هنو وحيو
ده عمك تنقو نصبح زيو
كان المشهد فعلا حاصل
تابعو الباقي في إيصال وتواصل
****
إهـداء مع التحيه لسعادة العقيد /مالك في
برنامج إيصال وتواصل ، ومعا لقيادة راقيه وسليمة
هناك تعليقان (2):
التعليق
======
Myada Abdulaah
ياريت كل الناس تكون زيك ياعمو
الطاهر السيال
عمك اول مره تضرب معاهو
محمد إبراهيم
أداني إيصال لكن بي عشرة جنيه
ريمي سودانية
أحييك ياعمو
ياريت كل الناس زيك ياعمو كان الدنيا بقت حلوة
Mima Ahmed يا اريت
راندى اورتن
ايوه كده يا عمك خليك رسمي
Sro Ibrahim
بس عمك تنقو طلع حلمان......قال ده مستحيل يحصل في السودان......اي زول ساكت وماعندو لسان
صلاح علي
يا زاهر اقصد ياعمك تنقو لو كل الناس بتعمل زيك وبحفزوهم كان امورنا بقت واضحه.
وفاء احمد عمر
بحي عمو وياريت لو الناس زيو
Mnoya Abdalaziz
ha ha haa very nice funny ya my uncle
محمد عبدالعاطي
حوى النبي انامتخيل يكون رفدوه اول مره يترقي عمك
عمار خالد ود السواقي
داي عملتها كيف ياعمو
Ammar Kamal Mohamed
دايما ي تنقو مثال للمخلص
أماني علي
يا عم تنقو عزبتنا
محمد آل كنو
عمك امين او ما بياخد راشوي
اوقال انا رجل قانون يعقل اكون حرامي
نبيل حامد
و نهايت الشهر يصرف الماحية و يحل ديونو و يكون رايق ميه الميه
منتصر محمود دنقلا
هاهاهاهأواهاهاواهاواها
نبيل حامد
يا عمك تنقو متعتنا
يوسف الدخيرى
ياعمو حمد لله على الظهور . وبوصيك أوع تعمل ذي صاحبك كتب الرقم في ورقة لبتاع الروزة وقاليه حولها لي بعدين لم تفرج شوية معاك مادام قلت دي أول فردة ..
Alhaj Yousif
عمك ياأصلي ،تسلم وتسلم روح الانضباط العالية
محمد جبر
اعمل حسابك ما يودوك العمليات يا عمو
محمد كيكيا
ياعمك نصيحه وسخ ألكاكي في إلياقه والأكمام تعرف ألعمل في هجير ألشمس وما ادراك ما ألهجير وتعرف بالنزاهه أما وسخ ألجيوب فيه توريه
احمد عبد العظيم الفيومي
اولا حمد لله علي السلامه ياعمو الحاصل شنو غائب كده وشكلك كنت في كليه الشرطه ؟؟
Ibrahim Abdallah
عمك تنقو ماتشتغل حملات
Ibrahim Abdallah
خليك فى الاسطوبات
محمد احمد
ياعمك تانقو اوع تأخذ الرشوة
محمد جبر
وركز علي الرقشات
Abdelrhim Mohamed
السلام عليكم ورحمه الله!
فريد محمد
تمام تمام
ارميا نصيف
والله ياعمو اريت المرور كلوا زيك ديل الواحد فيهم من يقبضك يشبكك جيب البتخارجك قبال ما تعرف مخالفتك وخاصه بعد زيادت الايصالات هههههههه
Hassañ MÖhammed Alßoushra
نفـ ـسي آعرفـ العبقري البتكبـ الكلامـ ده منوو ؟
محمد احمد
ياعمك تانقو اوع تأخذ الرشوة
محمد جبر
عمنا رطب يا جماعه الليله الغدأ معاهو معذومين كلكم
تاج الدين هجو موسى
اول مره عمو التنقو ينجح في حاجه
بت مرجي ال مرجي
ياعمو بطل سلبطه من متين بتاع المرور دا بلبس كاكي ..... وكاكي كاكي كاكي بس
حنان سليمان
very nice uncle tanggo....
محمد جبر
تنقو اترقي يا جماعه باركو ليهو .؟الف الف مبروك ياعمو وعقبال نشوفك كده حضرة صول قادر يا كريم...
Ali Abdoo
عجيب شوقتنا
Abo Dogana Mohmmed
والله ياعمو ليك التحيه علي شغلك المثالي وياريت كل الناس تكون زيك وتلتزم القانون
Yagoub Mohammed
سلام تعظيم لعمك تنقو
Mahdi Hassan
ياعمك معتدل مارش
صانعة المحال
ياعمو الف مبروك اول مره تجي سليمه
Emmanuel David
السواقه قالوا باعصاب هادئه لكن الواحد يشوف صلعتك دي اعصابو تبوظ..االله يهدينا ويهديك شوف ليك شغلانه تانيه
عمك تنقو
بت مرجي الكاكي يطلق على الزي العام للشرطة والجيش والقوات الاخرى
Hana A-Fattah
اعمل حسابك مايطقك سحائي من وقفة الشمس ياعمو
Abdelrhim Mohamed
عمك تنقو داير رخصه تخوف أخوانك ناس الحركه!وترخيص يخليني الاصطب كان مولع أحمر يكون عندي الصلاحيه أعدي!
Azza Omer
مستحييل
حماده فري
عمك أدوق شريط والمره الجاية حتجيك ورقة فصلك خليك ملحلح
Mhmd Begawe
رافع راسنا والله ^_^
Mhmd Begawe
ي عبد الرحيم امشي بي كرعينك أحسن
Mhmd Begawe
ي أبراهيم امشي بي كرعينك أحسن
Njoya Mussa
شرطي مرور ولابس كاكي ياتنقو بالغت.
Mahdi Hassan
ياعمك الشمس بتعمل ليك طشاش... يحلها الشربكا..
طارق ابراهيم
ما تنسي عشره مقاعد للنسوان قدام
Alimohmmed Ali
ههههههه
كتلوج كتلوج
عمك دخل الغابه اتمر خشخش
Monzer Al Taj
مساء الخير عمك تنفو!!!!!!!!!
Monzer Al Taj
لسه ماقطعته لى زول ايصال
شذى ابوجلة
ياعمك اخيرا" لقيت شغل مابتخليه ثاني حاترطب رشاوي.
شذى ابوجلة
يلبس ابيض وقلبو ابيض يرفع ايدو عمنا تنقو أنا بريدو.
شذى ابوجلة
اكثر موظف حاكومة شايف شغلو.
شذى ابوجلة
مشي البنيات في الشارع ياأخو البنات.
Mahdi Hassan
لالا ياشذي عمك دا كدا حتجيبو ليهو مشاكل مع المدام
Ruaa Aldobase
ماشاء الله استاذ زاهر قلمك ينساب بكل بساطة ودام لنا عمو التنقو
Nigoud Khalifa
والله شكلوا كدا عمك حا يجوطا والكباري والشوارع تتقفل ويقوم يجري كالعادة ويخليها جايطة ههههههههههههههههههههه
بت الياس دقاش
وريتنا ياعمو المرور وانا اقول الشوارع ليله منظمه مالها؟
Roa Basheer Buldim
جميل جدا لوبقى كل زول في شغلو بعمل كده كان السودان مابقى السودان الهسه
Happani Shabasha
والله بداية نشرفة يا عمو بس ربنا يستر من تمومت القصة .......العبرة في الخواتيم
محمد جبر
وابقي ساعه في ايدو نسيتيها يا شذي
Soma Gandor
We uncle tango because he is special
Soma Gandor
I mean we love tango
Monzer Al Taj
لازم تقطع اصال وناس الهيسات ديل اكتر حاجه
Soma Gandor
ماشة معا باسطة
Monzer Al Taj
شايفه عجبتك
Sahar Kenawy
لو سمحت ياعمو عايزين حاجات تضحكنا
Mohamed Aljotabe
الغدة بي شنو يا عمك
Weamosh Weab
اخيرا ياعمو نهايه بدون ماساءه
خالد دفع الله خالد
زكرتنا شرحبيل . والصبيان
خالد دفع الله خالد
عسسسسسسسسسسسسسسسسسسسسل
إرسال تعليق