عمك تنقو وقزازة السمنة

عمك تنقو وقزازة السمنة
تاريخ 24/10/2010
         ===========

عمك تنقو كان بتمنى
صبح تاجر ليه شنة ورنة
من راس ماله قزازة سمنة
يرطب منها ويربح ويغنى
مسك عكازو قاعد يخطط
في الارض يحسب و يشخبط
دراسة جدوى فيها يظبط
عمك سارح يحل ويربط
في دنيا المال زولنا اتسلبط
اسهم طالعة واسهم تهبط
مرات تفرح ومرات تحبط
****
ومسكينة العازة تشيل وتتدبر
وما عارفه تنقو لي عرسه بفكر
وقال في راسه لوجاتو العازة
بي عكازي اديها في راسها
ونسي صاحبنا قزازة السمنة كشح    الفيها  وما  اتهنى