بحث هذه المدونة الإلكترونية

الأربعاء، 9 فبراير 2011

عمّك تنقو والشيكات الطائرة

عمّك تنقو والشيكات الطائرة
فكرة زاهر الطيب
=========


عمّـك تنقـو بتعرفوه أكيد 
**** يا أخـواني ويا أحبابي
زول زول الله ساكي العيشة 

جاري وراها اساسق إدابي
همّـو الأول يربي أولاده

 يخرج جيل يفخر بيه و بالانساب
أولاد عمّـك ديل واعيين وناس راقين 

 فهم وثقافة ونشاط طلابي
لمن دخلوا الجامعـة هاك يا مشاكل 

جاتم نازلة من غير اسباب
رسـوم في رسـوم معاها هِموم 

عمّـك فكّـر بقـى سبابي
يجاري العيشـة ال ما بتتجارى

 ولا ينحرف يبقـى إرهابي
والعـازة تنقنق فوقو صباح وعشية 

ويدعـوا عليها يقرصك دابي
كره العيشـة وكره النِقـة وكره العازة

 قال ماشي ابيت الليلة مع اصحابي
****
مشـى لاصـحابة ناس ود نايرة

 يغـير جـو ودمـاهـو الفايرة
ياريت ما جاهـم أخير ليه العازة

 تنقنق وتسبسب العيشة الطايرة
غسـلو مخيخوا بي مشاريع

 كلها لف في لف في دايرة
برّم شنـبوا وحـكّ الصلعـة

 وقال أجرب والصايرة صـايرة
لا همّـاه حرام لا غش لا خدعـة

 كل القصـة شيكات طايرة
خليها تطير محل ما تطير 

ما كل الناس طايرة وفايرة
أول شيك سـواه مليون وكمان البعده

 وأكبر شيك لي ود نايرة
قال صاحبي بأخـّره ليـهو

 وزول بضمنّي والارباح جاريـة
لكن العكس كان الحاصل 

خنقوا وزنقوا ومحاكم دايرة
إتبهـدل حـالوا والسمعـة إتخربت

 وبنيتو الكبيرة صبحت بايرة
ده الصحاه وصحى ضميره وأنب نفسو

 كشف الحاصل مجرد حلمة صايرة
طبق نعلاتو قُبال تصبح رجع للعازة

 قام قال ليها أرحم إنت من أولاد نايرة 


*** 


خالص تحياتي زاهر الطيب

ليست هناك تعليقات: