تنقو رياضي زهجان يكتب قصيده ( حلمنتيش)

عمك تنقو رياضي زهجان يكتب في العازة

 18 /7 / 2008م

ريـاضي زهـجان
=======

يا أم عيـون زي (كرت أحمر) *** أخـدتو  في (أول دقيقة)

ده حظي اللمـاني بيـكِ *** في (ميدان) فاضي ما فيه حديقة

(حاورتيني) و ( جرجرتيني) لي هواكِ *** قلت (افلت) منك ما لقيت طريقة

(كسرّتي) قلبـي الرهـيف *** لمن (هجمتي) علي مشاعري الرقيقة

فقـدت أعصـابي معـاكي *** لما أكتشفت إنـك ما أنيقـة

حطمتّي (أهدافي) الـ   بنيتها *** وكشفت ( مرماي) للهزيمة والحريقة

ورفعـت (رايتي) كت مسالم *** وكنت (سارق) في الحقيقة

كان أملي كله (أفوز) بحبك *** إلا (إنهزمت) في (آخر دقيقة)

و(إعتزلت) الغرام و (زمني ضائع) *** وقلبي ما دارك ولو صديقة

إنسحبت من (دوري ) حياتك *** و (النوادي) و(الميادين) العتيقة

بقيت (أعلق) من بعيد *** (كرت أصفر) ليك إنتِ حكم خائن بي طريقة


إن شاء الله تعجيكم
تحيااااااااااااايتي زاهر الطيب