استبيان عن مجلة الصبيان وشخصية عمّك تنقو

إستطلاع حول مجلة الصبيان وشخصيـة تنقـو أجرى اليوم 9 نوفمبر 2010

استبيان عن مجلة الصبيان وشخصية عمّك تنقو
===============

استبيان للذين كانو بقروا مجلة الصبيان ....؟؟
1- ماذا قدمت لك مجلة الصبيان في طفولتك ...؟؟؟
2- اي صفحة في المجلة كنت تحرص على قراءتها...؟؟؟
3- كيف كنت تتحصل على المجلة ...؟

أ- من المكتبة مباشرة.
ب_ تتسلفها من صديقك

4- شعورك وانت في يدك مجلة الصبيان تتصفحها ..
5- هل لك مواقف في طريقة الحصول على المجلة اعني شراءها و تحصيل مبلغ الشراء ...؟
6- هل تتمنى ان تعود إصدارات المجلة ...؟
7- هل عندك إقتراحات إضافية تدعم عوده المجلة ... من ناحية الاعداد والطبع والمضمون ...؟
8- إذا المجلة رجعت الان هل ستغتنيها لاطفالك و لنفسك ولا كان زمان فقط ...؟؟
9- ما رائك في القروب هل ادى دوره في إعادة احياء شخصيـة تنقو ...؟؟؟
10- ملاحظات اخرى ...؟؟؟

تحياتي زاهر الطيب
مشرف القروب

==============

 الردود والتعليقات بدون اي تنقيح أو تعديل أراء اصحابها

===========


Mohamed Adel Yosef
من اجمل المجلات السودانية لأطفال والتحية للرسام المبدع شرحبيل احمد صاحب فكرو شخصية عمك تنقو اتمنى من كل قلبي ان تعود هذه المجلة للصدور مرة اخرى بدل اسبيستون ونيكلودين الفاشلات ديل


Mouhand Khlifa
***قدمت لى الكثير والمفيد
*** بالطبع اخر صفحة عمك تنقو
*** من توفير المصروف رغم انه كان بسيط الا انه يكفى لشرا المجلة
كنت اشتريها من المكتبه مباشرة والذهاب الى المكتبه كان برنامج جميل
فى بعض الاحيان استلفها من الاصدقا
*** شعورى وانا اتصفح المجلة اتزكر ايام جميلة جدا ايام الدراسة الابتدائية
*** بالطبع لى مواقف جميلة فى شرائها
***اتمنى ان تعود
***لدى اقتراحات فى حيتها
*** اكيد حاقتنيها لهم ولى ايضا
*** هذه الخطوة ملفتة من القروب واتمنى لهم التوقيق.


Reem Abdo
ايام جميلة اتمني ان تعود


Ezaldin Ibrahim
مجله الصبيان شكلت الوجدان في مرحله عمريه وليتها تطورت مع ما يناسبنا فكريا كانت تغطي كل الخواء
الموجود الان وكنا نتحصل عليها عن طريق الاشتراك


Nana Nureldin
كانت مجلة في قمة الروعة


إشراقة ادم محمد
عمك تنقو بقا نجار ياسلام على استاذ شرحبيل وابداعته ياريت ترجعوها لينا


ابو ياسين ابوالقاسم

ياسلام على الزمن داك والله كنته مشترك فيها فى مكتبه محطة 10 بامتداد ناصر ولايفوتنى اى عدد وعمك تنقو
فكر يبنى البيت عشوائى ناسى كمان اصول الصحه عرق يخر كمان القحه دا فى العيش ياسلام


Ali Hussain روعه


Mouhand Khlifa واحد اتنين بص جارى عمك تنقو بقى كمسارى
بتشعبط فوق العربات وبطرح بحرى ولى شمبات
عمك عامل نفسه حريف مرة يتلب ومرة يقيف
نطة العم بى كل خفه ودخلت رجله جو القفة
قفه كبيرة ملانه خضار وستها زعلت ووقفت نار
دفرت تنقو من السلم خلت عمك وشو مدمم
هذا النص الشعرى لعمك تنو من العدد السابع-
السنة السابعة والاربعون
1 نوفمبر 1993 وانا كنت فى الصف الثالث الابتدائى.


Ezaldin Ibrahim
(واحد قال اول يسمع بيها لبديهي شوف عمرك كم) والثانيقال كنت بقرا مجله ماجد انا ايضا كنت اقراها الفرق مجله
ماجدزي البتستمع للاغاني الخليجيه الان والصبيان زي البتستمع للحقيبه مع جوده الاخيره


Soriba ALamin
لا استطيع ان اوصف احساسي عندما احصل على نسختي من مجلة الصبيان ولا استطيع ان انسى ابدا اعجابي بها
وولعي الشديد وحبها لدرجة انني كنت اضحي بوجباتي من اجلها.
يا ليت الزمان يعود الى الوراء. انا بعتبر ان جيل هذا الزمن مظلوم والله من الحاجات الجميلة دي
بعد إذنكم ممكن ألقى الاعداد بتاعت المجلة دي وين

Wafa Eltahir Adam
كانت من أروع وأغني المجلات في الوقت داك وياريت ترجع تاني. ولو المجلة أعاد إصدارها مرة تانية بالتأكيد
حأشتريها لأولادي . والقروب مميز جدا.


عمك تنقو
أشكركم كلامك جميل واحتاج ليه شديد علشان يزيدني دعم في اعادة نشر مجلة الصبيان وتثقيف الطفل السوداني ... واطمع في المزيد من التعليقات والاراء لنتمكن من توصيلها للجهات الراعية والمسئولة ...
اخوكم/ زاهر الطيب مشرف القــروب


Mazin Nimari
من اجمل المجلات في الوطن العربي وتقريبا قرأت جميع الاعداد


Mutaz Alhaj
كانت جزء من تكوين شخصيتي وعامل رئيسي في ثقافتي وسط اقراني


Abdelwahid
ابو طبيق غريبه في ناس ماسمعو بالصبيان أنحنا كنا بنلم قروش العيديه عشان الصبيان وميكي وماجد اما الصبيان دي ذي ما تقولوا كده ناقل وطني


Soriba ALamin
اشكرك اخي زاهر واتمنى لك التوفيق ونحن معك لنعيد سيرة مجلة الصبيان واتمنى كمان المساعده في هذا العمل الطيب والجميل.


Ezaldin Ibrahim
عمك تنقو بقي دكتور وبالسماعه يشوف الزول لدي هوايه الاحتفاظ باي ماده مقروءه للاسف ليس من بينها مجله الصبيان
اتمني ان يعاد طبع الاعداد القديمه لاقتنائها واكيد كثيرين مثلي


الليث الظريف
اناكنــــت بــجاذفا مــــن اولاد جــــيرانا بـــدقهم واشيــــلا مـــنهم


وردة الصحراء

اكيد الصبيان احلى مجله انا بتذكر انو امي كانت بتجيبا لي من سوق امدرمان وكنت بخلي مذاكرتي واقعد اقرا فيها لحدي ما احفظها
وبدسها ذي الحاجه السمحه وما كنت بلقاها طوالي وكنت بغير من بت خالتي عشان جنبهم مكتبه وبتقراها قبالي
وكنت بستمتع بيها شديد وبشترك في الطابور الصباح في فقره المللوج بي اشعار عمك تنقو ولو ظهرت اكيد حا اشتريها


Ali Hussain
المجله ماكانت في العصر الحجري معقوله في زول مابعرف الصبيان بطلوا بكش

احمد اللورد
كانت مجلة رائعة وجميلة



Anwer Ali
والله كانت مجلة جميله جدا.... وقدمت لينا شخصياتها مثل عم نتقو وحمقنجي وغيرهم الكثير من الثقافة
السودانية بطريقة بسيطة وجميلة


الضو عمر
يكفي انها كانت أول مجلة عربية للأطفال.. ومجمل الإجابة على الأسئلة أن المجلة كانت أكثر من رائعة،
واستفدت منها الكثير وكنت أقرأها من الغلاف إلى الغلاف وعدة مرات.


Asaad Ibnouf
والله على ايامنا يا زاهر كان التعليم زاتو ممتاز ونحنا استفدنا كتير من الصبيان وميكى جيب وحتى العابنا كانت مختلفة


Mazza Abbas
والله الكثير وتعلمت الرسم عليها



Kamala Abdo
يا سلام ياخ على مجله الصبيان وهي من اجمل مجلات الطفوله الفضلت راسخه الي الان في اذاهان كل الناس
الكان بتقرها وبالذات الصفحه الاخيره وهي صفحت عمك تنقو الي كنا دايما بنبدا بيها المجله ويا ريت ترجع تاني مجله الصبيان

عمك تنقو
انا تعلمت منها الاطلاع، والتي امتدت للكتب والصحف وما زالت هوايتي ، وتعلمت ايضا الرسم ، الكلمات المتقاطعـة ،
هواية كتابة الشعر القصصي ، وفوق هذا وذاك الثقافة الإسلامية ( قصص الانبياء والحكم ) كنت بقراها بحواسي جميعها ... واستمتع جدا بقراءتها ....


التوم حسين
حلوه شديد. بذات شرحبيل. (عمك تنقو)


Kzrzr Nopian Tooy
ياسلام لورجعنا عشرين سنة لي ورا أكيد حتلقنا في المكتبه ..او نحن ولاد الحله ملموين تحت الشجره عشان مجلة الصبيان


Mki Ali
احلي و اجمل ذكريات الذمن الجميل مرتبطة بمجلة الصبيان ..

Amin Ebrahim
نكت جد

Noor Albahar
انا ما كنت بشتريها بس كنت بقراها عند قرايبنا الاكبر سنا , مجلة ممتعة هي و مجلة صباح
لكن الصبيان فيها الشخصية المحببة عمك تنقو
بتذكر منها
عمك تنقو بقى نجار يطقطق وينشر ليل ونهار
جاتو حليمة بت بركات شايلة كرسي وطربيزات
قالت ليهو هاك يا شاطر
صلح ديل وحسابك باكر
لمن جاتو بعد يومين
لقت الكرسي بدون رجلين
والطربيزة الكانت اكبر
صارت ميني وزي البمبر
هاجت وماجت فيهو حليمة
وادت عمك لبعة اليمة
هههههههههههههههه


Hanan Elsafi
الصبيان كانت تقدم الكثير وربت اجيال
فيها حكم وعلمت الاطفال عن طريق التسليه
وده واحد من طرق التدريس الحديث انك تعلم الطفل عن طريق اللعب والمزيكا والتسليه


عمك تنقو ( زاهر الطيب كتب)
اول حاجه بنبدا بيها
واتعلمنا منو الصاح والغلط باسلوب بسيط ومضحك
مرات الاهل بجيبوها لينا والواحد يقعد يستلم شفع الحله
ومرات كنت بجمع كميه من مجلات الكبار القديمه وابدل مع بتاع المكتبه
ايام حلوه شكرا رجعتونا عشرات السنيين من زكريات

عتاب محمد
مجله رائعه ياريت تعود نحنا قرأناها وياريت اولادنا يقروها استحوزت عليهم ثقافات دخيله
واسامي مابتشبهنا /بارني /باربي/وماشابه ذلك


Sahar Tabede
مجلة الصبيان كانت جد رائعه
بجيبها مع مجموعه من المجلات والالغاز بس لازم تكون هي الاولى فى الاطلاع
صفحة المعلومات والتسالي وعم التنقو اول حاجه وانت جاي من المكتبه بتقراها
الاسلوب البسيط في التعليم كان جاذب جدا
واكيد عندي الاستعداد حاليا اقراها انا اول بعدين الاولاد


Razaz Eskandar
غالباً بشتريها من مصروف المدرسه و كنت بحلل القروش لانى بقراها اظن 100 مره و ما بشبع منها


Ibrahim Ahmed
كانت ومازالت أجمل مجله !!


Annt Elmagroh
مجلة الصبيان اجمل مجلة اثرت طفولتنا وبصراحة اكتر حاجة كنت بحبها فيها عمك تنقو ولي هسة متذكرة قصصو
والحاجات الكانت بتحصل لي وبعملا لي هسة انا واخواني بنتذكرا ونضحك فيها ويخيل لي ارتباطنا بيها في ذاك
الوقت انها كانت قريبة من البيت السوداني في كل شي اللبس اسلوب الكلام الدارجي العادي العازة وغنما وقهوتا
حتي رسومات المجلة كانت بسيطة والوانا حلوة اما عن كنا بنجيبا كيف كنا مشتركين في مكتبة وبحرص اخوي الاكبر
مننا وهو راجع من المدرسة يجيبا معاهو ... بصراحة دي حاجات اتربينا بيها وشكلتنا واتمني انها ترجع بس بشرط
انها تكون بنفس الشكل القديم من دون اي تحديث ... بس ما عارفة الجيل الموجود الآن دا هل حيقدر يستوعبا مع ناس
اسبيس تون ونيكلودين ومجلات الاطفال الحديثة دي والا لا؟؟ غايتو نحن جيل الصبيان وميكي وسمير وصباح...
الله كان اجمل زمن



Samir Jasir
والله أيام يا صبيان


Kawther Baga
المجلة كانت جميلة ومفيدة ومسلية . وكان فيها المعلومة المفيدة والطرفة كنت بشتريها من المكتبةو طبعا
صفحة عمك تنقو اول حاجة كنا بنقراها . واهم شيء كانت سودانية . نتمنى عودتها


Ammar Eltayp Abd Elbaset
أكيد صفحة عمك تنقو .. من المكتبة .. مافى مصروف بس من باقى المراسيل الدكان ..
لازم ترجع بس ببى تعديل مواك للتطور الحصل فى غيابها


Shihab Mohammed Alageed
تحيه طيبه اسمحوا لى بسوال لماذا دايما ماتموت الاشياء فى بلادى؟ الصبيان هى رايده المجلات مش فى السودان بس انما فى العالم العربى مجله شكلت قيمه كبيره لجيلنا انذاك (حلوه انذاك دى يا عجايز)اهلنا الكبار هم الدلونا عليها ومن ديك وعيك مامبالغه لو قلت المجله كلها روعه لدرجه انو كنا بنتخيل شخصياتها عايشه معانا فى الحله عزو الطيب والعم حمقنجى وعمك تنقو ود الرايع الفنان شرحبيل الاهم من دا الجهه الكانت بتصدرها دار النشر التربوى يعنى دور الصيبيان ثقافى تربوى ....الكلام والوجع كتير بس ياترى هل من عوده تانى والتحيه والتجلاء للاباء الموسسين فاطمه موسى و شرحبيل احمد وعمر عبد الرازق والسلام وشكرا حزينا


Mohammed Alfateh Allagabo
احلى ايام الطفوله كانت مع مجله الصبيان ايام الذمن الجميل المجله كلها جميله من الغلاف الى الغلاف ياريت ايام ذمان ترجع تانى


Magod Noury
(مجله الصبيان) احلى حاجه كانت ملازمانا زمان كنا ما بنفوت اي عدد من المجله دايما كان بابا هو البيجبا لينا
ومرات كان يعاقبنا وما يجيبا كنا نجمع القروش من بعض ونمشي نجيبا مع اني كنت صقيره لكن كنت بحب الاسلوب البيتعامل
مع العازه واتمني اعاده اصداره مره تاتيه لاني برضوا حاكون من المتابعين


Osman Alwagee
جعلها الله في ميزان الاستاذه فاطمة موسي ، كنا بنقراء مجلة الصبيان من الغلاف للغلاف ، من صورة الغلاف لحدي عزو الطيب ،
، كانت بريال واحد وكانت دار النشر التربوي بتتحمل نفقات الاصدارة والسعر رمزي فقط ،،


Yousif Mobark Yousif
الصبيان اول مجله في الوطن العربي مخصصه للاطفال


Faisal Elzubair
3mk tango

- ماذا قدمت لك مجلة الصبيان في طفولتك؟؟
الكثير الذي لا يحصى العلم والثقافة والمتعة والتراث السوداني الأصيل

2- اي صفحة في المجلة كنت تحرص على قراءتها...؟؟؟
كنت أقرأها من الغلاف للغلاف ولكني كنت أبدأ بي عمك تنقو

3- كيف كنت تتحصل على المجلة ...؟أ-
من المكتبة مباشرة

4- شعورك وانت في يدك مجلة الصبيان تتصفحها ...
شعور لا يوصف الدنيا كلها بين يدي والسعادة واللذة في يميني

5- هل لك مواقف في طريقة الحصول على المجلة اعني شراءها و تحصيل مبلغ الشراء ...؟
لا أذكر

6- هل تتمنى ان تعود إصدارات المجلة ...؟
أكيد أتمنى ذلك

7- هل عندك إقتراحات إضافية تدعم عوده المجلة ... من ناحية الاعداد والطبع والمضمون ...؟
أكيد أن الزمن تغير ويجب مراعاة التطور الزمني بين أطفال الأمس وأطفال اليوم

8- إذا المجلة رجعت الان هل ستقتنيها لاطفالك و لنفسك ولا كان زمان فقط ...؟؟
أكيد سأقتنيها لنفسي أولا ثم لأولادي ثانيا

9- ما رائك في القروب هل ادى دوره في إعادة احياء شخصيـة تنقو ...
قروب شنو القروب نايم نوم وما شايفين ليهو حاجة

10 - ملاحظات اخرى ...؟؟؟
شكرا لكم
محمد الجلال -

Ezaldin Ibrahim 

شوفو كل التعليقات تعبر كعن جيل مثقف غير سطحي(مره كنت مسافر وصديقي الي منطقه كريمه لاول مره
ولدينا تصور مسبق عن المنطقه لدرجه وصولنا لمقصدنا
بدون مساعده احد (المشكله قبل تحركنا من الخرطوم
كان في معيتنا بعض اولاد الجيل الحديث اكثر من
5 افراد وبسؤالنا عن اين تقع كريمه وياله من تخبط مره في الجنوب
ومره في الغرب لاخر لحظه لم يعرفوها واحد بيقول ليك انا بدرس حاسوب )
كله ناجم عن عدم الاطلاع. وعمك تنقو بقي
غسال شادي الشارع كلو حبال