عمك تنقو اولمبيات السباحة
محاولة وتاليف ( زاهر الطيب بتاريخ 8/12/2009م)
=====================
عمك تنقو تابعـو حكايتو
يعوم في ترعـة كانت بدايتو
اترقى شوية ونمى هوايتو
يمثل وطنوا ويرفع رايتو
حرّه وضفدع فراشة درايتو
بصدره وظهروا أخد كفايتو
زي تمساح وفي العوم فايتو
*****
اصبح عمك لاعب أساسي
حب يحطم رقم قياسي
غطس ، وتحمل ،أفقي ورأسي
***كرة الماء والجمباز
عمك فيها بقى أستاذ
مسافة طويلة للممتاز
أصبح جاهز للإنجاز
في الاولمبي عمك فاز
كم ذهبية وكم كاس
كنت شرفنا وفرحت الناس
عشت عمك رفعت الراس
***
نامل ذلك وربنا يحقق الاماني تاريخ
( 8 ديسمبر 2009م ) زاهر الطيب
ليست هناك تعليقات:
إرسال تعليق