بمنـاسبـة كأس السـودان
هلال مريخ والنتيجـة كانت 2/0 لصالح المريخ
كتبت هذه المحاولة
بتاريخ 23.11.2010
بمناسبـة لقاء القمـة بين
فريقي الهلال والمريخ دوري السودان
....
عمك تنقو هلال مريخ
23/11/2010
=============
عمك تنقو بقى محتال
تحت الشجرة فرش شوال
طلق بخور بقى شغال
كجور ومحاية كيمان وارطال
قال الليلة يا ابطال
مريخكم مسخن معاهو هلال
مشجع ولاعب انت تعال
كجوري كارب مافي مجال
***
عمك تنقو سوقو مسخن
كان مبسوط يغني ويدندن
******
بعـد المباراة المريخ غلب الهلال
وعمك تنقو قاعـد يعاين
قال يا اخوانا حكمكم خاين
شــال الكــاس وأداه جنــاين
بقلم / زاهر الطيب
(( الثلاثـاء 23 نوفمبر 2010))
ليست هناك تعليقات:
إرسال تعليق