عمك تنقو كابتن طيران
تاريخ 31/01/2010م
=============
=============
عمـك تنقـو بـكـل مـهـارة
اصبح كابتـن يسـوق طيـارة
بالسيموليتـر ثبـات وشطـارة
عبـر الشاشـة لفـة الـقـارة
وقت العملـي ووقـت الحـارة
قـال يالجـو جـاتـك كــارة
جاتنا الفرصة واللحظة السـارة
سلام يا أخوانا فرصـة سعيـدة
تنقو يحييكـم والرحلـة بعيـدة
إرتفاعنـا يكـون آلاف أقـدام
أربطوا حزامكـم ربطـة تمـام
وإن شاء الله معاي تصلوا بسلام
*****
عمـك تنقـو قــال نتـأكـد
قبـل الرحلـة كمـان إتفـقّـد
مروحة مكنـة معاهـا المقـود
برضو وقودها وصندوقا الاسـود
******
كدا تمـام الحـرص ضـروري
إلا الطيـارة ناقصـة البـوري
****
بـســم الله والله مـعـانـا
قرينا الفاتحـة وشلنـا دعانـا
بدت الرحلة فـي نفـس زمانـا
وكـل النـاس حاجـزة مكانـا
ناس فرحانـة كمـان طربانـة
وجاري هناك يلوك فـي لبانـة
عشان القومـة وصنـة اضانـا
*****
اصلو عمكم من زمنـه ظريـف
قام بـي مهلـه لانـه حريـف
حلق في سماه وقال يـا لطيـف
****
عمك تنقو خـش فـي ورطـة
جـاه ارهابـي شايـل شنطـة
قال لـي عمـك حـول طنطـة
اياك تحـاول تتصـل بالشرطـة
****
عمك تنقـو بحكمـة وحضـور
قال لـه حاضـر بكـل سـرور
فضـل عمـك يلـف ويــدور
هبـط بالطائـرة فـي دارفـور
إستئناف الرحلة من جديد
:====عمّك تنقو للركاب اتأسف قال يا أخوانا عايزين نستأنف
ده الارهابي هنا إتخلف
خلي الشرطة معاة تتصرف
عرفتو الحاصل يا أحبابنا الارهابي عطلنا وحرق أعصابنا
كمان احرجنا مع ركابنا
عمك تنقو عمل حركات
يعوضو زمنو الضايع وفات
زاد السرعـة وأكل المطبات
عمك تنقو القال سواق
في ( النافيقتر) محـدد الواق واق
نهاية الرحلة هنا
:====عمّك تنقو للركاب اتأسف قال يا أخوانا عايزين نستأنف
ده الارهابي هنا إتخلف
خلي الشرطة معاة تتصرف
عرفتو الحاصل يا أحبابنا الارهابي عطلنا وحرق أعصابنا
كمان احرجنا مع ركابنا
عمك تنقو عمل حركات
يعوضو زمنو الضايع وفات
زاد السرعـة وأكل المطبات
عمك تنقو القال سواق
في ( النافيقتر) محـدد الواق واق
نهاية الرحلة هنا
( 31/01/2010م )
ليست هناك تعليقات:
إرسال تعليق