عمّك تنقـو بحـار

عمّك تنقـو بحـار
                   *****
التاريخ 11/11/2009م زاهر الطيب
         ****************

عمك تنقو بقى بحار
يصيد في السمك ليل ونهار
قال اسيب الشغلة ناسا كتار
قرر يغطس ويصل الغار
اصلو البحر ملان اسرار
لؤلؤ وصَدف وكمان محار
عمك استكشف في الاغوار
صادف ليه قارورة فخار
شالها معاه وكاتله شمار
قبل يفتحها جاه قرار
كان عملاق اطلب منه بالدولار
مسك القفل وقال يا ستار
طلع عملاق في شكل بخار قال   لي  عمك   شبيك  لبيك اختار

   داير  لي    مليون   دولار

والوليـة العازة دهب بوبار
في سرعـة عجيبة جاب ليه فار
ده حظك انت يا تنقو الحار