ابراهيم العندياندفق فولو خربلو هدوم
واترتع يلعن ابو كلتوم
فاتت منو الحاجه وطلعت
وقدرة فولو اندفقت وقعت
وقام من تاني يبل الفول
فتح شوالو وراسو يجول
وجاهو سريع العم حمقنجي
يدور يشتري نص علبه برنجي
وقال ياتنقو اديني سجاير
وانا خرمان بل فولك طاير
زعل العم من قولو وزين
وزن القمشه ادا وقيتين
وصرخ حمقنجي بروحو الحمشه
انا يازول ماداير قمشه
دايرلي برنجي بقولك هسه
بدل ماامسكك اهرسك هرسه
وتنقو اتصونج مابديك
شوف طبلية آدم ديك
قفز حمقنجي في ضهر العم
وعض صلعتو وجاب الدم
وجات الناس والدنيا اتقلبت
وعمك يصرخ دمي انسكبت
وجات عربيه من البوليس
وعم حمقنجي الليله حبيس
وتنقو بيضحك عاد مبسوط
بس ياخساره الراس مربوط
نص الصلعه وجاحظه عيونو
حمقنجي هناك مطبوعه سنونو
الثلاثاء، 22 مارس 2011
فول تنقو (2) بقلم إبراهيم العندي
الاشتراك في:
تعليقات الرسالة (Atom)
ليست هناك تعليقات:
إرسال تعليق