تنقو مذيع (2)
بقلم/ابراهيم العندي
22/مارس/2011
***
تنقو مزيع في قناة الشارع
مكفكف كمو كأنو مصارع
مسك المايك ونفسو الحار
نفخو اتجهز للاخبار
وقال بسم الله وبدأ في قرايتو
امامو اوراق وحاسوبو مرايتو
قال ابداها بخبر السوق
غلت السلعه ودا الخاذوق
حمحم وتمتم وشال نضارتو
وعد وضعها ختي سجارتو
في شفتيهو وولع ودخن
والاستديو اتكهرب وسخن
جاري المخرج تنقو غلطت
امام الكاميرا تولع إنت
وكل العالم شايف الصوره
خربت النشره قلبت سطورا
قريت اخبار السوق خليت
لخبر الساعه واتناسيت
تنقو اخير ماتبقي منافي
بالاول اقرأ خبر قزافي
جدع العم لسجارتو استعدل
والتصوير عادوه من أول
قال يامشاهد انا بستفرد
بي اخبار في قناتنا الاوحد
الليله الضربه بقت جويه
ليبيا سماها بقالو دويه
طائرات ثوارا تدك لفرنسا
وقزافي بيدخل اميريكا وهسه
حاملات طائراتو جوه الاطلنطي
والغواصات زي سمك البلطي.
لخبط تنقو النشره وجاطه
وقال قزافي مهاجم وساطه
وقال ايطاليا جوار يوغندا
وباكستان عاصمة ايرلندا
وجاب بنغازي بقلب امريكا
وجنب مصراته مراكش ديكا
وزاع اخبار الكوره وحالا
وقال المورده غلبت كالا
والمريخ اتعادل سلبي
مع برشلونه لقاء حبي
وامدرمان وهلالا الفاز
علي مرسيليا وده الانجاز
وبورتسودان شهدت في الميناء
هناك ادروب يصرع جون سينا
وفجأة الكهرباء قطعت قام
من الاستديو ضلاما تام
وخشم الباب المخرج قاعد
وباقي استافو معاهو مساعد
وكوم سيطان في ايديهم تظهر
وصاحوا جميع الله اكبر
وتنقو بيجري هناك اترتع
وعشره سياط في ضهرو بتطبع
بقلم/ابراهيم العندي
22/مارس/2011
***
تنقو مزيع في قناة الشارع
مكفكف كمو كأنو مصارع
مسك المايك ونفسو الحار
نفخو اتجهز للاخبار
وقال بسم الله وبدأ في قرايتو
امامو اوراق وحاسوبو مرايتو
قال ابداها بخبر السوق
غلت السلعه ودا الخاذوق
حمحم وتمتم وشال نضارتو
وعد وضعها ختي سجارتو
في شفتيهو وولع ودخن
والاستديو اتكهرب وسخن
جاري المخرج تنقو غلطت
امام الكاميرا تولع إنت
وكل العالم شايف الصوره
خربت النشره قلبت سطورا
قريت اخبار السوق خليت
لخبر الساعه واتناسيت
تنقو اخير ماتبقي منافي
بالاول اقرأ خبر قزافي
جدع العم لسجارتو استعدل
والتصوير عادوه من أول
قال يامشاهد انا بستفرد
بي اخبار في قناتنا الاوحد
الليله الضربه بقت جويه
ليبيا سماها بقالو دويه
طائرات ثوارا تدك لفرنسا
وقزافي بيدخل اميريكا وهسه
حاملات طائراتو جوه الاطلنطي
والغواصات زي سمك البلطي.
لخبط تنقو النشره وجاطه
وقال قزافي مهاجم وساطه
وقال ايطاليا جوار يوغندا
وباكستان عاصمة ايرلندا
وجاب بنغازي بقلب امريكا
وجنب مصراته مراكش ديكا
وزاع اخبار الكوره وحالا
وقال المورده غلبت كالا
والمريخ اتعادل سلبي
مع برشلونه لقاء حبي
وامدرمان وهلالا الفاز
علي مرسيليا وده الانجاز
وبورتسودان شهدت في الميناء
هناك ادروب يصرع جون سينا
وفجأة الكهرباء قطعت قام
من الاستديو ضلاما تام
وخشم الباب المخرج قاعد
وباقي استافو معاهو مساعد
وكوم سيطان في ايديهم تظهر
وصاحوا جميع الله اكبر
وتنقو بيجري هناك اترتع
وعشره سياط في ضهرو بتطبع
هناك تعليقان (2):
التعليقات
=====
محمد عثمان
بيبو هاهاهاها غايتو جنس شلاقة ياتنقو ابصلعة
Eltahir Mamoun
تنقو يا نجاضة
عمران موسى عبدالحى
ياعمنا الله يكون في عونك
نهال الطاهر
شكلك ساطله شديديااب صلعه
Omer Mohmed روعه
Ahmed Elsir
كلو عرفنا كمان ظهور للعالم
عمار كاريوكى
ياريت كل الناس لوكانت زيك
Mano Elamin ياعمك تنقو انت مابتوب يعني إلا كل مرة يضربوك مرة في صلعتك ومرة في ضهرك
منذ 7 ساعات · إلغاء إعجابي · 2 شخصان
Rose Ahmed مابسألك نهائي لكن احلي اخبار سمعتها في حياتي لكن وين موجز الاخبار
منذ 7 ساعات · إلغاء إعجابي · شخص واحد
Thoyba Osman جميييلة
سامي كمال جبارة جبارة
كملتها عديييييييل ياتنقو انت بتنفع مع تيراب وانابتوسط ليك بس انت لز الخام كويس
بشير وراو محمد الحاج
هع هع هع هع عندنا مذيعين زي عمك تنقو في تلفزيون كسلا وحات الله
Ahmad Abdo
ياعمك شنو
سامي كمال جبارة جبارة
علي الطا ناس قذافي بفتشو فيك اجري خش ورا الصالة اخير ليك هاهاهاهاهاهاها
Fate Ma Solemn
وﻻ يهمك ياعمو..هي الدنيا كلها جايطة ومقلوبة،،فرقت في نشرتك؟!جلدة تفوت وﻻ حد يموت.
Mohamed Omar Steaf
عامل فيها الفاتح السباق
سامي كمال جبارة جبارة ياعمك
بكري عبد الرحمن
احي فيك الحماس و روح المغامره
عبدالرحمن ادريس
ياتنقو اعمل حسابك بنادي ليك اورتن اسي
سامي كمال جبارة جبارة
هاهاها ماتفت الزول يامحمد عمر ياخي دا شوبير ماتحطم نفسيتو
Mohamed Omar Steaf
يازول مالك ومال الازاعه الناس ديل بقلقلوك السودان هذا الصباح وحاجات تانيه حامياني ،.
Wali Sadabi
ههههههه اعجبني
سامي كمال جبارة جبارة
ياعبدالرحمن اوتن شنو ياخ احترم الزول انت ماشايف الصلعة دي ولاشنو اورتن عاوز شباب هو دا قرف خلاص اورتن قال
Mahdi Hassan يابكري
المغامرات الفيها ضرب دي عمك دا بضيعو لينا...
Mohamed Omar Steaf
ياتنقو انتبه في برنامج عايزك تقدمو في ازاعه السلام بعنوان نحن جندالله الغلطه بي طلقه هاهاهاهاها........
سامي كمال جبارة جبارة
هو انت قايل اي زول عندو صلعة مذيع
سامي كمال جبارة جبارة
هاهاهاهاهااااي يامصراني يا احمد عذبت الزول
Mehad Emad
مش ضربتو تنقو وطردتهو طيب شوف ليكم زول اتفرج علي قناتكم دي تاني
عبد العزيز الطيب
عفففننن عفن ياعمك
Mehad Emad
مش ضربتو تنقو وطردتهو طيب شوف ليكم زول اتفرج علي قناتكم دي تاني
Mohamed Omar Steaf
ودمت للعازه بالازاعه تب ارقدي قفا تنقو انكفا.....
سامي كمال جبارة جبارة
اخخخخخ وراجي عبدالعاطي ماتقول حاجة مااذاعة السلام دي والله تاخت كل دقيقة طلقة في راس طوبتك
شمس الدين عبدالرحمن
شنوياعمك متخيل نفسك في القهوه ولاشنو
Welli Shakroot
عمو تنقو ادوش دي كلها في اذاعا حيرتونا
محمد كسلا هههه
عبدالرحمن ادريس
والله جورجي لوشافك بيستقيل
Abeer Yassin
ماممكن ياعمو المذيع امكانيات صوت وصوره وانت هههههههه
سامي كمال جبارة جبارة
امك تنقو زول مأسورة عامل فيها زول شمار وهو في الاصل زول حمار
سامي كمال جبارة جبارة
وديك زيادة كمان زول عندو مطار في راسو مابنفع معاهم
Nahla Elhady
دي قناة الشارع ولا قناة زنقة زنقة
سامي كمال جبارة جبارة
زنقة زنقة لحدي يوصل
سامي كمال جبارة جبارة
اي والله ودا الفضل ليك تخش تلفزيون السودان وتجي تلحن لينا هنا
Abbsher Abboud
يا عمو اثبتا انك جوكر هههههههه
عبدالرحمن ادريس
ياتنقو امشي تلفزيون السودان ممكن يقبلوك دي نصيحتي ليك طيب رايك شنو ف تلحين الاغاني الهابطة
صانعة المحال
معقوله بس ياعمو مزيع مره وحده العافيه درجات ياعمو طواااااااااالي كده بالغت والله
الاميره سالي
Ya 3mo mshtageeeeeem
ابو الريح عمك
تنقو جاري شديد ماشي يجيب حاجات العيد لقاتوا كلبه قالت هوو جدع القفه وطار بي الجو
Bet Alaseed
عمك تنقو ياماسوره
فاضل بس تلعب كوره
تجبص رجل وايدك تبقي مكسوره
او جزار تبقي ودمك اكب ماسوره
او كهربجي والكوربه تلعب فيك دورا
او ضابط وتخت في كتفك دبوره
ولا اقول ليك خليك ناصح وللبنات فك البوره
ولله ماظنيت تجيك الا المجبوره
دي احسن ليك باقي حاتبدع فيها بس اوعي العازه تجيك دايره دورا
عبدالرحمن ادريس
ياعمك متبيع لبن ف الحلة بالمكرفون علشان الحكاية مراحل وبعدين اواني منزلية
عبدالرحمن ادريس
ياعمك ماداير تسمع نصيحتي خلاص انا بكرهك
ربى عبد الرحمن
تاني مزيع ياعمولكن ماتخاف انافتحة لي قناة جديداسم وجع راس اكيدح اشغلك فيه ياتنقو
عبدالرحمن ادريس
ياربى تنقو دا مابراهو عايز اشتغل ف ناس برضو ممكن علشان عايز نتزوج
امل عبد الله ههههههههههههه
خالد محمد بشير
حقيقة شي جميل يا عمو
عبدالرحمن ادريس
امل الضحك من غير سبب يعني شنو
فتحية فتحية
عمو ياخطير قلت كده احسن ليك من المصارعه والكراتي اذيع اخبارالعاشره وطلع الشمارات الحماره شرد والحرامي جاى الجيرانى ايامك ياعمو ياخطيررر
Myada Abdulaah رهیب یاعمو
محمد حمد
شو رايك نوديك اراضي الشده وافد
Meizo Ali
عمو التنقو دايما تحفه
مستر بليك بليك
عمو الفنجري ههههههههههههههه
عادل إسماعيل أبو حماده
اولاً عجبنى تعليق بت الأسيد شديد .. زى ما عاجبنى ناس عمك تنقو لانى منذ الطفوله *مجلة الصبيان* معجب بيهو .. ومتع الله القائمين على الامر بالصحه والعافيه ،ونثر الله السعاده والفرحه فى حياتهم وحياتكم وحياتنا
Roaa Abuhelal
خواذيق البلد كترت... والله ياتنقو بعد كدا م قصرت اي حاجه إشتغلتها عشان كدا ح نعينك دكتور في مستشفى حكومي.
عادل إسماعيل أبو حماده
عبدالرحمن ادريس انت عارف ابيخ حاجه فى الفيس بوك الواحد يرد ليك بجمله *ههههههههههههه* بايخه وان دلت على شئ ، تدل على استهتار الشخص بنفسه اولاً !!!
سامر أبو العلا
هههههههههههههههه تسلم الأنامل يا أستاذ إبراهيم ههههههههههه
Mohamed Jdo جامـــــد ياعمو
احمد محمود
والله دي الا رباطي
Beniamen Adil Ahmed
hhhhhhhhhhhhhh
Skiny Safi
he3 he3 he3 cooool le alden
Suhair Abbasher
يا عمو الاسعار عندك ذي النهار ده عندنا
Mohmmed Ahmed Ata
إنت ياخرابة لابتعرف تذيع ولابتعرف تجري!!!!
Safa Ahmed Mohmed
عمك تنقو دا الواقع الصعب الايصبر الشعب البطل
Amberino Alabgrino
تنقوش
إرسال تعليق