بحث هذه المدونة الإلكترونية

جارٍ التحميل...

الاثنين، 28 فبراير، 2011

تنقو مراقب إمتحانات بقلم: Hussein Hamouda‎


Hussein Hamouda

Hussein Hamouda‎ 

عمك تنقو مراقب إمتحانات

****

عمك تنقو العامل غلبة
وظيفتو الليلة مراقب طلبة
***
بدت الجلسة للممتحنين
كل الناس بدو صانين 
***
عمل تنقو صاري الوش
ما داير اي حالة غش
***
ولا نفس ولا نغمة كش
ولا لفيت لا طوف لا شف
***
للطلاب بدأ يفتش
وكل في القاعة بدأ يرجف
***
كان الإمتحان اظنو صعب
عرق الناس بدأ يتصبب
***
ضبط واحد بحالة قش
زمط الورقة جوة الكرش
***
خاف من تنقو واسلوب الهرش
كيف عمك وكان مدهش
***

تنقو والقذافي بقلم/خالد محي الدين

تنقو والقذافي
بقلم/خالد محي الدين
28/02/2011

**

عمك تنقو اب عقلا حافي
قرر مرة يقلد القذافي
جاب التوب ولبس العمة
قدام الباب دق الخيمة
عايز يكتب كتابو الاخضر
ناس العازة ساقوه لي بعشر
عمك تنقو بات في العنبر
قال انا قائد ولي تاريخ
هزمت امريكا و هلال مريخ
وعشان البلد تبقي تمام
في اكل البيتزا الحكم اعدام
ح اعمر بلدي زنقة زنقة
وأي مواطن ياخد شنقة
عمك تنقو عقله مسوس
في اخر عمره قاعد يهلوس

قناه اخبار بقلم/Mazin Fowzi

قناه اخبار
بقلم/Mazin Fowzi
****

عمك تنقو قاعد محتار
عندو قروش يعني كتار
عايز مشروع يكون درار
لقي قدامو الف خيار
بس لكن ما قدر يختار
وبعد تفكير وتفكير جبار
عمك فتح قناه اخبار
قال حاينافس التانين
جاب مزيعين ومراسلين
عمل المبني وجاب كميرات
واشتري تردد في نايل سات
مشي ايران ومشي لبنان
ونقل احداث من باكستان
واتفق مع شركات لكم اعلان
وجاهو تشويش في القنوات
وعمك ما عندو خبره سنوات
وجاهو خطاب من الشركات
قالو لاغين الاعلانات
محطة تنقو الفضائية
بقى مطالب في القضائية
شويه شويه عمك فلس

رجع البيت مع العازة يتونس



ملحق بواسطة/ زاهر الطيب
***
عين اشجان معاه مذيعة
الا اشجان قرياتها سريعة
طرد اشجان وقعدت تبكي
مشت للعازة عليه تشكي
قال ليها يا العازة مافي طريقه
رغم اشجان مذيعة رقيقة
عمك تنقو ح اتصرف كيف
حول أشجان قسم الارشيف





السبت، 26 فبراير، 2011

بنشر عمك تنقو نسخة أصلية

بنشر عمك تنقو
نسخة أصلية

مشاركة / حسين حموده

===


عمك تنقو فاتح بنشر
جاهو زبون قال ليه يا عم
***
يلحم لستك ويربط شمبر
تلحم دا وتأخد كم
***
قالو علشان ما تلف وتجوط
تلاتة ورقات حقي المزبوط
***
اتوكل قال يا الله عديلة
انا ماشي براي في رحلة طويلة
***
عمك تنقو الليلة حليلو
قشط اللستك 2000 كيلو
***
فجاء الستك طرشق تاااااح
عمك طار بلا وقود ولا جناح
***
صاحب اللستك حالتو تحنن
لكن تنقو عقلو اتجنن

الأربعاء، 23 فبراير، 2011

المترجم الروائي عمك تنقو

الروائي عمك تنقو
فكرة / زاهر الطيب
2011/2/24
***


عمك تنقو طيبة وداعة
كل الناس فاكرنه إشاعة
منتدى الروائي الكان في القاعة
عمك شارك فيه بي براعة
مسك المايك بكل شجاعة
اتكلم وشارك زي نص ساعة
عمك ادهش كل القاعة
ده الفاكرنه غشيم يا جماعة؟
**
عمك تنقو الرجل الجامد
بخمس لغات ترجم ود حامد
**
عمك تنقو مترجمنا الاشهر
هو فخرنا و وهو الاشطر
لازم نعرف كمان نتذكر
الناس بعقولها هي الجوهر
ما يخدعنا حسن المظهر

الثلاثاء، 22 فبراير، 2011

تنقو والموتر(مجلة الصبيان)

تنقو وراكب الموتر
نسخة قديمـة
****


عمك تنقو راكب موتر
قاطع الكبري وماش ع كوبر
وجمب الكبري هناك في اللفه
حفره كبيره وما بتدسا
وجمب الحفره هناك في مرور
يمينو المويه وجمبو السور
عمك تنقو مافي فصال
يا الحفره الظاهره يا الايصال؟؟
وعمك تنقو خيالو الواسع
بسرعه 1000 فحط راجع

الشيف تنقو ( بقلم/إبراهيم العندي)

تنقو في المطبخ
بقلم/إبراهيم العندي
**


عمك تنقو جنه ودستر
خلط الباميه معاها الكستر
جوه المطبخ حك صلعتو
وقال للعازه ملاحك اشتر
ملحو مسيخ وبصلتو زياده
جر البمبر حالا صنقر
صاط الكستر جوه الويكه
وحش البصله يدمع فكر
فوق البصل كسر كم بيضه
ونادي العازه باصبعو أشر
جيبي الدكوه وجيبي زبادي
وناولي الفلفل داك والبنجر
وقربي يد الهون ياوليه
ندق التمر الوقت اتاخر

بلي عجينك وولعي صاجك
وهسي ملاح العم يتحضر
صاط الخلطه اداها الحله
وبالجركانه الزيت يتقطر
ولع نارو وقنب يفرك
وفوق العازه قعد يتبختر
بكره ملاح العم ياالعازه
في ونسات جاراتنا بيظهر
واي مناسبه في حلتنا
باكر فيها العم يتشمر
نزل حلتو جاب قراصه
من قدام العازه ودنقر
يغرف من الخلطه يملح
شيتا اسود وشيتا احمر
قال ياوليه تعالي اقعدي
نملأ بطونا وزين نتمنجر
اول لقمه العازه اتخنقت
وعمنا وشو اتورم اصفر
زعبرت الجيران اتلموا
ومن نخريها الدم اتفجر
وتنقو اتشقلب بطنو اتنفخت
وللمستشفي البوكس بينهر
وناس الحله اتلملموا جمله
وعمك في العمليه اتخدر
والدكتور سألوه الحاله
قال دي مبالغه مابتفسر
فاتح بطن العم بيفتش
عن القاعد جوه اتحجر
قال ياعالم اول مره
اشوف لي مريض مصرانو مشرر
الا يكون بالع جربوعه
او ماكلو ابنص تركتر


الأحد، 20 فبراير، 2011

تنقو ترزي الحارة (بقلم محمد صلاح)

عمك تنقو ترزي الحارة
بقلم :محمد صلاح الدين الكرنكي 

=========


عمك تنقو ترزي الحاره
قال استثمار والشغله شطاره
فتح دكان ناس جارو جباره
وتوب العازه عملو ستاره
جاب مكناتو وبدل الابره ركب ضفاره
قال للعازه جيبي زباين
والعازه كمان ماخلت جاره
كل الحله جاتو تفصل
حتي الصول بتاع الطاره
عمنا تنقو ردم الحته وقال بسم الله
بدينا تجاره
زن زن المكنه تفصل
والضفاره شغاله نجاره
اول بت جات لي فستانا
عمك تنقو اداها زراره
وهدوم العازه بهدل حالا
وخلي العازه عيونه شراره
ناس الحله اتلمو ف تنقو
وجابو ليه عربيه الطاره
عمنا تنقو حاول يتخارج
بس مسكين رفعوه رجاله
( خسا ا ا ا ا ا ا ا اره)

تنقو وجاره في المطعم (بهيج عبداللطيف)

تنقو  وجاره عزومة
بقلم بهيج عبد اللطيف
****




لقيت التنقو هناك في الشارع

شادي الخطوة عديل متسارع

وفجاة اتلفت كحلني هناك

دقة الخلف وقف متقاطع

قال لي الليلة معاي يازول

نمشي نجوكل احلي كوارع

قال العازة طيخا مطنبج

وايدا مسيخة وديمة تلاطع

خشينا المطعم وعمك يشمشم

صبح نشوان مصرانو يهمهم

ياجرسون جيب لينا اللستة

عدد العيش معاك بي الدستة

جيب اتنين طلبات كعبور

وشية ضان بي شرط عبور

قطع بصلة تكون حمرا

معاها الشوربة زي الجمرة

زيد الليمون معاهو الشطة

بي الوطايات بتطلع لقطة

عمك بدا ياكل بي استمتاع

مبسوط والغنية مع المزياع

والدومات المارقات صبن

وبي الشطة الحارة نخرينو مشن

عمك قشي صحانتو نضيف

ومشي الغسالة تكنو ظريف

ومنها عمك بي اقرب لفة

كب الزوغة وحدر سفة

وبقيت انا قاعد وتب مستني

ومشيت حاسبت غصبا عني

تنقو والكلاب المتوحشة

حول ظاهرة الحيوانات الغريبة في العاصمة جزء من عرض الحدث

تاريخ التاليف 11 يناير 2010
مشهد بسيط (الذئب) في العاصمة
========
زي ما قالوا وشوف العين
جانا حيوان قبيح وشين

قطيع مهجن كلب مرفعين
واسم الشهره ذئب عارفين

وسط العاصمة كمان لافين
داخلة بيوتنا يجو هاجمين

بهايم واطفال عديل قاصدين
***** *******

خالص تحياتي (زاهر الطيب)

غنماية العازة ( بقلم بهيج عبد اللطيف)



عمّك تنقو وجاره
بهيج عبداللطيف عبدالكريم
****


عمك تنقو وجارو الليلة حكاية
نص الليل ضبحو الغنماية
اكلو وشبعو وقشو خشومن
وما دارين بي سيدا دراية
لامن سمع ولامن عرف
اصلو الليل ستار وضراية
ومن الشبعة الكانت فيهم
نامو وناسين العين فشاية
صحو بي جوطة وخبت بي غل
ضربا شين الاتنين اضحو هرية
طار النوم الكان كاسيهم
مسخت ذاتا حلاوة الشية
والعلق الجاتن من العازة
وطلعت هي ست الغنماية


غنماية العازة ( بقلم بهيج عبد اللطيف)



عمّك تنقو وجاره
بهيج عبداللطيف عبدالكريم
****


عمك تنقو وجارو الليلة حكاية
نص الليل ضبحو الغنماية
اكلو وشبعو وقشو خشومن
وما دارين بي سيدا دراية
لامن سمع ولامن عرف
اصلو الليل ستار وضراية
ومن الشبعة الكانت فيهم
نامو وناسين العين فشاية
صحو بي جوطة وخبت بي غل
ضربا شين الاتنين اضحو هرية
طار النوم الكان كاسيهم
مسخت ذاتا حلاوة الشية
والعلق الجاتن من العازة
وطلعت هي ست الغنماية




عمّك تنقو ونجوم الغـد
بقلم بهيج عبد اللطيف
****

عمك تنقو الزول الجد
داير يمشي نجوم الغد
***
قال المسألة بسيطة وساهلة
وانا زول غناي موهوب بالجد
***
بغني حقيبة بدوزن شعبي
خماسي سباعي وكل عدد
***
اداء والحان مع الكلمات
لي العم تنقو ابو النغمات
***
وعمك راح دخل التلفزيون
سجل اسمو ورقم التلفون
***
وقال في نفسو لابد اتدرب
اخش حفلات انشاء الله ضهب
***
في نهاية الحفلة اخد سحبة
من الفنان انشاء الله غصب
***
وبقي في الشارع يمشي يغني
وجوة البيت للعازة يتني
***
وعمك عرف المسألة جد
ساعة ضربولو نجوم الغد
***
تعال ياعمو عرف نفسك
عشان نديك معانا عدد
***
وعمو دعايتو جات كالاتي
بالصوت والصورة كمان يوماتي
***
الاسم عمك تنقو
العمر التام بي ايد الله
***
السكن الانا موجود فيهو
في كل زقاق وفي كل حلة
***
نص الشارع وفي الاسواق
في الردمية وفي الدقداق
***
في الراكوبة وفي الديوان
في الصالون داخل الحيشان
***
في الطائف او شرق النيل
نمرة اتنين خرطوم بالليل
***
في الحاج يوسف والمايقوما
محل الناس تشتري في هدوما
***
في تندلتي وفي امروابة
جوة كريمة وداخل الغابة
***
في كل حتة وين ماكان
عمك ساكن في السودان
***
رقم التصويت اللي يبين
صفرين متين تسعة واربعين
***
اوعو تنسو صوتو ليا
ولو فزت عندي هدية

***

والي ان نلتقي مع عم تنقو في منافسات نجوم الغد لكم عاطر تحياتي بهيج عيداللطيف

عمك جوهرجي (مجلة الصبيان)



عمك تنقو اب عقلا ثلجي
فكر وفكر بقى جوهرجي
***
محلو عجيب ملان ديكور
مركب فيهو قرون التور
***
لملم شال دهب العازة
جبو مثال للعينة الجاهزة
***
جو النسوان يدقو غوايش
شايف ايديهن وراحلك دايش
***
سيح دهبو وحك الراس
لقاهو مقصر زادو نحاس
***
عمك كان مقاسو دبارة
سوة غويشة تقول ترتارة
***
جو النسوان وفتحو بلاغ
وعمك ترتر عجلو وزاغ

تنقو حلواني ( مجلة الصبيان)



نسخة قديمة تنقو حلواني

=====
عمك تنقو جابلو اواني
وفتح اللوضه محل حلواني
كنافته عجينه وبشعيريه
وباسطتة تقطع بالطوريه
فطيرو مشبك زي الحبال
بسبوستة تنز مردومه جبال
طورته سايله سايحه دهون
وصب فيها صباع معجون
ناس الصحه وقفو في بابو
شافو العازه تحاحي في بابو
ناس الحله اقتحمو وخشو
ولبسو عمو الطورته في وشوه
***

من الذاكرة مساهمة الزميل (
عمر الفريد )

منوعة تنقو إداري

يـوميـات تنقـو اليوم عمكم تنقو إداري
=======
عمك تنقو

علشان نفس الاحساس الرياضي يكون متواصل في المستطيل الاخضر واللي ما شارك امس يشارك معنا اليـوم وأتخيلـوا عمـكم تنقــــــــــــــو ( إداري لفريق ) إدارته للفريقه قادته إلى نجـاح أبهر الجميع ، أو إلى فشـل أثار غضـب القـاعـدة الرياضيـة .... وشـدوا حيلكم ...

ملاحـظة : على فكرة الاخوات برضو نجحن معانا وح نخصص ليهن مواضيع ...
تكون للمراءة فيها دور اساسي مع تنقـو يعني تابعن معانا برضو ...

مشاركات الاعضاء
=========
Don Adel Hamid

===========

عمك قرر يكون ريس النادي
فكر و وقال انا بهاتي
معقول فيها ادريس و الوالي
نط وقام قال انا مورداوي

========


بقـلم : Khalid Mahgoub Abdelfatah
====================

عمك تنقو قال يدرب كورة
كون فريق من 11 ماسورة
وقال للناس ديل أحفاد مارادونا
وسمى فريقو النافورة
لياقة فل وفي أكمل صورة
شباب لعاب بدقل بالفولة
أتحدى فريق شارب الصنعة
وقالو ليهو مننا مافي منعة
لمة الاستاذ كلوناس
ودفعهم قروش بالشيك والكاش
حتشوفو كورة ملانة أحساس
والنافورة حتشيل الكاس
الاقوان داخلا فيهو بالدستة
وعمك فكر يكبر اللفة
وقف فى محطة وقف ركشة
واجمهور عايز قروشو بشدة
ركبو الحافلة وقنصوا فى حتة
حالفين طلاق يعملوا عمك فتة
عمك شافوم وكب الجكة
رطوبتو قامت شلت الحركة
دق شديد فى الوش والنخرة
داسوو وعصروو بقوهو سلطة
عمك سب لفريق الكورة
ولعن اليوم الجاتوالفكرة
دخل البيت في قلبو حرقة
سب للعازة وختمتا بى لكمة

***************

بقلـم :إ Mohamed Dongola
================

عمك تنقو عامل ريس
اداري رياضي وكمان متمرس
ملحن وشاعر فنان متميز
صحفي كبير وفي الشهرة مركز
قال يبني استادو ويدفع قيمتو
ويبني فريق ممتازة لعيبتو
ووعد بالكاس الناقصة هديتو
رجع بي خفو وشايل خيبتو
لا جاب كورة ولا جاب مقصورة
وكل حكايتو طلعت اسطورة
حرق اعصابنا وكرهنا الكورة
ولاعبو الجابو طلع ماسورة
وواحد تاني بشوت قارورة
وناسو الحولو كمان مجبورة
بياكلو اموالو ويقرو جرايدو
كل هزيمة بقولو نهايتو
عمك تنقو طويلة حكايتو
حير شعبو وحيران في ذاتو

==


عمك تنقو التعليق على العمل أعلاه
==============

حيرو شعبوا وحيران في ذاته تعبير شامل وكامل وبليغ منك الكل محتار في عمك تنقو ....
ما قصرت محاولة موفقة الحمد لله ونتوقع تفاعلك في الاعمال اليومية لتنقـو ..
. تقبل شده إعجابي بوحده المضمون والكلمات المختارة بعناية ومعبرة ...

أخوك زاهر الطيب

==========

بقلم : Mohassab Anwar Mohassab
=====

عمك تنقو رياضي كبير
لابس عمه جبل توتيل
صرح وفرر وقرر دبر
ناوي يشيل ابطال الدوري
سجل لاعب فاقد عقلوا
وجنس واحد تقول بعشوم
حالف عمك يغلب روما وانتر برشا
اول شوط طلع بالسبعه
صرخ وزبد ..تحكيمكم فاشل..
اول طوبه جاتوا تزوزو
فك البيرق معاهو لعبتوا

======


بقلـم : Asim Elamin
=============

عمك قام من نومو مهلوس
وقال أنا حالم إنو أنا ريس
قام الفت في عينو نعاسو
جاكي الجك شان يحشد ناسو
قرر يمسك إدارة نادي.
نادي جديد سموهو الوادي
من ما مسك المايك إتجنن
قال إسم النادي نغيرو أصلا
وادي شنو ? حنسميو خور
نشيل كاساتنا كمان بالدور
شخبتو ليا وصوتو ليا
قال حرم حنعدي بحور
ومسك النادي
وجابلو عجاف كان كيسهم فاضي
ناس ما شافت كورة نهائي
ناس الكسرة وسمعان رادي
جاب ما خلى فنيلة في حته
وخت في نفسو أجمل خطة
قال لابد نعمل لنا فوضة
ونلعب وسط شباب الروضة
حشد الناس في الملعب تاني
وقال لفريقو ما تبقى أناني
وألعبو لعب جماعي جماعي
عشان الروضة شباب وجاعي
حاسب إنت لخط النص
وإنت البوكس يا حارسنا رفاعي
شخبط لخبط عب الورقة
وقال الروضة ما خلت فرقة
نزلو الملعب البيعتر
والسروالو لسا بقطر
والبي سجارتو بفتش راحتو
والشربوتو عطن في ريحتو
وصفر الحكم
شفع حلوة ونديانين
شافو الحال ما عرفو الحاصل
جايين كورة ولا مشفى مفاصل
شبكة الخور أو شبكة صيد
لمو الشبكه بكوم الخيط
عمك تنقو صوتو إنبح
والجمهور غرقان في القحة
يا تنقو يا مسكين
الليله حتهرب وين
عندك حلين يا تنقو
تطلع وتسدد دين
عمك ما عندو يقين
ما عارف يفتح وين
نزلو وعبولو الملعب
صفرو شوتوهو شان نلعب
المعركة دمها فاير
عمك في الهوى متطاير
لامن جدعوهو مفتت
لا عظمة ولاسن فضلت
ومن يوما خلى الكورة
دي كانت ليو ماسورة
رجع تاني في ضل الحيط
لا لاقي إبر لا خيط

=========

محـاولة بقلم :

Kawther Baga
==========

عمك تنقو قال لازم يبقى اداري
عشان يغير وضع الكورة الحالي
عمل الخطة وقرر يوفر في الميزانية طوالي
وقال لازم التدريب يبقى نهاري
والتمرين جري ومشي كداري
ويخلي لعيبة نيجيريا ومالي
ونستفيد من هيثم والعجب وسفاري
واي لاعب ما بينضبط بشطبو طوالي

========

بقلم : Mayada Omer
==========

عمك تنقو بشرب شاي عصرية
في نص راكوبتو والعازة معاو
فجأة جاتو الفكرة
وقال انا حبقي اداري كورة
وانافس شداد شال كدارتو
وقال للعازة ماتضحكي كلامي جد ماهظار
ومن الليلة كورتنا حتبقي دمار
وقال للجمهور عملنا فريق اسمو الترتار
وهمو معانا نلم قروش استرليني ودولار
لمي لعيبتو لاخلي عتال ولا نجار
وقال فريقنا حينافس ارسنال والريال
وحنخش الدوري الانجليزي والاوروبي
اما الافريقي بنشيلو برجلنا الشمال؛
جات الليلة اول لعبة
جهزو روحكم يالعيبة هيثم وطمبل
حيحردوا لينا الكورة
من اول مرة؛ بدت اللعبة
واللعيبة واحد احوص يشوت الكورة برة المرمي
وواحد احول يعاين للجمبو يمرر لطمبل
؛عمك تنقو رجف ونفسو اتقطع
والجمهور ردد قال الليلة ليلتك دمار
حنفتتك ونخليك عبرة ويجيبوك في صحيفة الدار
عمك شال رجليو وفك الجرية وقال ينعل ابو افكاري
مية مرة ومش كورتنا دي خليتا لناس عنتر

============

بقلم : MM Mohamed Dongola
=================

عمك تنقو عامل ريس
اداري رياضي وكمان متمرس
ملحن وشاعر فنان متميز
صحفي كبير وفي الشهرة مركز
قال يبني استادو ويدفع قيمتو
ويبني فريق ممتازة لعيبتو
ووعد بالكاس الناقصة هديتو
رجع بي خفو وشايل خيبتو
لا جاب كورة ولا جاب مقصورة
وكل حكايتو طلعت اسطورة
حرق اعصابنا وكرهنا الكورة
ولاعبو الجابو طلع ماسورة
وواحد تاني بشوت قارورة
وناسو الحولو كمان مجبورة
بياكلو اموالو ويقرو جرايدو
كل هزيمة بقولو نهايتو
عمك تنقو طويلة حكايتو
حير شعبو وحيران في زاتو

=======

التعليق :-

عمك تنقو قال:" حيرو شعبوا وحيران في ذاته "

تعبير شامل وكامل وبليغ منك الكل محتار في عمك تنقو .... ما قصرت محاولة موفقة الحمد لله
ونتوقع تفاعلك في الاعمال اليومية لتنقـو ... تقبل شده إعجابي بوحده المضمون والكلمات المختارة
بعناية ومعبرة ... أخوك زاهر الطيب
------

( Mohamed Dongola تعليق )
================

شكرا اخ زاهر وانت تسعى لاحياء دور هذه الشخصية الراسخة في مخيلتنا وثقافتنا والتي غابت مثلها ومثل الرموز الأخرى عن طفل اليوم.. وربنا يوفقك

(عمك تنقو تعليق )
=======
الله يخليك يا اخ محمد دنقلا فعلا ده الهـدف وما عايز اكون اناني في كتابة السنياريو لان في مواهب
واقلام بتكتب بطريقه اجمل مني والحمد لله ظهرت بكمية هنا مما يضيف على القروب طعم اجمل .
.. وتنقـو زي ما قاعد اكرر في بيت كل سـوداني هـو والعـازة .

========

بقلم : Saeed Assd Ali

عمك تنقو زول اسطورة.
فكر يبارى درب الكوره
وعمك زاتو اكبرماسورة
عمك لما اولاد الحله.
وقال حاعمل فريق الشعله.
وانا زول خبره وحياه الله
وجاب سيرباك عمك دفع الله:
وختا هجوم اولاد حاج بلله
والحارس جون ود عم منديلا
===
الباقى بعدين لانو سخانه عديل

===

بقلم : Dafaalla Hajjaz

عمك فاضى طول الحال
مرة القاضى ومرة يقاضى ,
دخل النادى
جر البمبر وسط الدار قعد إتحكر ,
نادى الحلة نادى مشتم
حيطتو واقعة وبابو مشرتم
مماقمنا ما إتهندم ,
حيطة النادى عايزه الجير
وباب النادى تلاتة غفير,
وعشان النادى يبقى كبير
رئيس النادى للتغير
إدارة عقيمة تحت الشوز
تطلع بره بالبرطوش
أعملوا همة أعملو همة
لازم لازم تصلوا القمة,
لو بالكاش او فى الزمة.
بالاحلام والتخمين
عمك برطع وطقع حين.
واخر الحال رئيس النادى فكر زين
وقام لي عمك عملو كمين
عملو كمين وشربوا عمك موية الطين.

هاهاهاهاهاهاها
======

بقلم : Rawia Mubarak

عمك تنقو استلم النادى
وقال حيكون مديرا جادى
داير ابدا من اللاعبين
لازم يكونوا وجيهين سمحين
لانو دى رغبات اخواتنا الجكس
بحبو اللاعب وجيه وبرنس
وتانى حاجة الشعار يااخونا
ليهو مدة طويلة معانا
نغير اسمو شكلو ولونو
وانتو اكيد حتكونو حابنو
نجى طوالى على الاستاد
يكون بيضاوى زى المنطاد
يكون عالمى واسع ومغلق
عشان الناس تسيب تتزحلق
و المشجعين الاخلصو لينا
حنعمل ليهم رئيس يرضينا
يخلى لباس الطرابيش
ويشوف وين شغلو المنو يعيش
اما بخصوص مدربنا القادم
لازم يكون خواجة وفاهم
وانا حأحاول اواصل شامل
شاعر ملحن وصحفى مجامل
هل يعقل ده يااخوانا مدير
ده كان كتر يبقى غفير

=======

تنقو حكم مباراة مجموعة مشاركات

فكرة جديده لاكتشاف المواهب : بديكم راس موضوع وكل واحد يكتب محاولة من عنده ونشوف الاجمل
محاولة لاقت تعليق واعجاب الاعضاء ... مع مراعاة المضمون وعدم الخروج عن المألوف
وأهم شء تعرفوا انه تنقو إنسان قـومي ما ليه في السياسـة والعبارات النابئة إذا سمحتم ....
**
يلا نتخيل جميعـأ انـه عمكم تنقـو ( حــــكم مبـارة ، عادل ...، او ضعيف الشخصيـة، او خـائن ،
ولا منظراتي فقط ) اكتب بحواسك انت مع او ضد تنقـو ... بالتوفيق ،،
محـاولات الاعضـاء
==========

Ayman Bin Ahmed

عمكـ تنقو حكم مبـارهـ
سـافر ولفهـ وشايل هـم
قـابل كاكا و رنالدو ومعاو بيكهم
صـفر و دق الكورهـ
وجـات العـازهـ قاطعه الشوطـ
صحتو من أحلى نومه ورافعه الصوت

تخريمة::. الصوت بمعنا صوتها ^_^
ما تفهمونا غلط
دي تقدر تقول مجازفه بسيطة ^_^

==========

Apdu Elkhawad
=========
عمك نتقو في الميدان
حكم الكورة نقد القون
من غير اسباب ولا تأشيره ؟
سأل اللاعب من اداك الباص من غير صفارة ؟
طرد اللاعب من غير انزار
وحسم الكورة من اي حوار ؟
جاط الملعب ...

============
Bakry Algwas
===========

عمك تنقو حكم كوره
دافوري في حلتم الصغيره
حسب فاول وقال مافي حيطه
حسب قوانين شداد الجديده
وحسن أوف سايد من ركنيه
لمن سألوه قال:دي قوانين مستقبليه
وأسأله بلاتيني شخصيه
ولا أقول ليكم: جيبو العازه التتما ليكم
أنا م داير أحكما ليكم
وحاجه ما عندي ليكم


========
Khfwot Alsadig
==========
عمك ةنقو حكم مشهور
قبل الكورة وقف اللعيبة طابور
قال تخشو الميدان بالدور
صفر البداية جاتو كديسة
كورك و نطط وتلب الحيطة
الحق امسك عمك جاتو نفيسة
رجعو ةنقو للميدان
طالب بحرس شخصي كمان
اصلو بخاف الكديسة والفيران
عمك ةنقو برجو الميزان
معروف بكره الكورة من زماااااااااااااااااااااااااااااأاااأن
محاولة شترا ولا رايك آيه زاهر؟!!!!!
==========
Alwaleed Osman Suliman
==========
عمك تنقو فكر ونضم
قال يا أخوانا ما أبقى حكم
مشى للعازة أداها الفكرة
قالتلو تمام وتبدا من بكرة
قلدت إيدو تعال نتسالم
انت رياضي وزول تفتيحة
وممكن تحكم في كاس العالم
عمك لبس الزي الرسمي وخت الشارة
وشال معاهو كمان صفارة
عمك دخل الميدان جاري خفيف
وقال يأخوانا اللعب نضيف
صفر تنقو وبدت الكورة
وشوتك شوتك جاطت جوطة
قام (دفنسي) شلت ودفر
وعمك طلع كرتو الأحمر
شوية وعمك أنهى الكورة
والجمهور كورك الحكم ماسورة
عمك اتلفت لقى نفسو اتزرا
قال يأخوانا أحسن أمرق لى برا
مسك الشارع وقال يا حلال حلا
والناس ساكينو لغاية الحلة
عمك دخل البيت باعجوبة
وقال من التحكيم تاني دي توبة
جرت العازة قفلت الباب
قالتلو يا تنقو تاني حدك كورة الشراب
==========
Amin Moawia Alnour
===============
عملتلو العازة جوطة وبليل بقي هضراب
لقي مافي حل غير انو يسويلو إضراب
وبقي ماشي في الشارع يقول اناماكضاب
انا جيد وفيني حكم مية المية وانا جذااب
وقال لي ناس الكورة امشو سيبو الكورة ونجدو كرااب
جات العازة وقالت ليو عمنا نحنا ناس شياب
ماتفضحنا وتقسي علينا الناس ياعذاب
انتا تمشي وتحكم برة احسنليك من كورة نهايتا هلال ومريخاب
امشي شوف واتعلم ياشعب الكورة من الارباب
وتعود لينا تاني برضو بعد داك تنقو الجياب
وتجيب هدايا لي كل الناس والناس تقول عليك راجل ماهو نهاب
حكم الكورة وقال للدنيا انا عم تنقو الماكضاب
شوفو الكورة البرة دي كيف سيبكم من ناس شداد وارباب
(تمامة للاخ الوليد عثمان و100%شغلك ياحبيي)

===========
Babiker Elwali
===========
عمك تنقو حكمنا الدولي

 شال صفارتو ولبس كدارتو
عمك تنقو زمنو إتاخرسريع

 سريع بقول للعزة أنا حااتأخر
جيب باقي الحاجات والكرت الأحمر
العزة تلملم وتدي وعمك يكب في جيبو
ربك لطف ووصل الملعب

وتيييت ضرب الصفارة
وبدت الكورة وعمك تنقو

 لسه حالتو مستورة

عمك تنقو حكمنا الفاهم كان قلبو وهمو في الدراهم
تيييت عمك صفر وخلص الشوط الأول ومسك الكورة
اللعيبة مشو الاستراحة وعمك
طلع المقصورة نفسو قايم وعرقو يتصبصب وحالتو تحنن
وقت الراحة خلص واللعيبة دخلت الملعب وعمك بقي يتكبكب
شكلو استحلي قعدة المقصورة وقايل نفسو مشجع ونسي الكورة
اللعيبة والجمهور يكورك ياحكم الكورة ياحكم الكورة
عمك انتبه وقال خلوني اخد راحة إنشاءالله دقايق
والجمهور يكورك ياعمك الكورة يا تنقو يا حكم ياماسورة

=======
Kawther Baga
===========
عمك تنقو اختاروه يحكم كورة
قال تمام يمكن يكون فيها دبورة
شال صفارتو ولمع القورة
مشى الاستاد ووقف يتلفت
صفر و قال نشوف الليلة واحد يغلط
عمك تعب من الجريان وقال ياجماعة انا عطشان
وطوالي مرق من الميدان

========
Malak Mohammed
============
بالجد أنتو مبدعين ربنا يحفظكم بس أنا كدا ح اغير وأمش احك راسي ولا اسرق حاجه واجي أقولا لووول
=========
Aboalhol Almhol
==========

تنقو يا مستر كونلينا حكم خلانا نسينا ماضينا وركزنا في ال جاينا حكمك يخلي الحارس يخش مدارس
والمهاجم يفتش في المعاجم.

========
Malak Mohammed
==========

عمك تنقو حاجه عجيبه هاوي يغني جاز وحقيبه
فكر مره ينمي مواهبو يبقى مشهور وزول ترطيبه
ينسى الفقر وينسى أيامو وأي شغله في يدو يسيبه
كون فرقه من جاي لاغادي فرقه غايتو بس تركيبه
ظبط صوتو نح نح ونح نح الليله الفن جاتو مصيبه
مقطع كامل ياالله يتمو والفي راسو كلها يجيبه
هو في وادي والفرقه في وادي نبق في الشجره قرد وطبيبه
وسته دكاتره ودرب وتمرجي وجداده تكاكي أنفلونزا تصيبه
قنابلو عجيبه بالصولات يمط في الغنيه إنشاءالله فلانه تشوكش حبيبه
المعرسه ديك تطلق والراجل التاني شخصيه رهيبه
أبشره وحماده قبضو الجو وهيثم ولولي في التخشيبه
حسن رايح وعوض نادو صفقو إنتو بنات وشبيبه
غايتو هبوط وجوطه شديده وكل جماعه لاقيه نصيبه
عمك مالو ومال الغلبه كايس الشهره لقاها قريبه
==========
عمك تنقو
=======
اشكرك اخت ملاك على النقل دي كانت من عندي في موقعنا الخاص قبل عامين بنتقض
فيها الغنـاء الهـابط ( القرد والنبق و غيره ) وأشكركم مرة اخرى على تفاعلكم وحقيقة
اكتشفت مواهب جديده تقدر تمسك القروب في غيابي لاي وقت
=======


Nazik Salah
========

عمك تنفو صفرللولد الضرب الكوزة وقال معقولة
عمك جاري فات الحد لمن كبكوانقد
عمك خمش الشبكةوفات العارضة
قال الجمهور دا معارضة
انتهت الكورة وعمك كان في الدرجة الاولي
========

محمد صلاح الدين الكرنكي
==========

عمنا تنقو حكم الرايه ..
ماعندو علم رافع لي ملايه .
. اي هدف يحتسبو تسلل عمك تنقو حكايتو حكايه
.. وناس العازه وناس التايه يشجعو فيهو حتي بتول ست الغنمايه .
. جمهورنا العصبي اتشنج منو .. وأول زول جدعو ب كبايه
.. وعينك م تشوف إلا النور قزاز وعلب وجنس حاجات .
. وناس العازه عملو شتات.. وعمنا تنقو عمل تات تا ا ا ا ا ت.......
(هسه بكون قطع البحر الأحمر في طريقه إلي اوربا تات تات تا ا ا ات)


============


Nani Ash
======
عمك تنقو نزل الملعب ماسك الكوره
و كرتو الاصفر نازل جاري يمين و شمال
ورا اللعيبه في الميدان فوضي شديده
جماهير هايجه يكوكو يقوله تحكيمك
فاشل تنقو دقش راجياهو الدقه
و فبل الزحمه فكا الجريه

=========
Ahmed Haj Yousif
=========

عمك تنقو شال صفارتو...
وجو الملعب سواها شطارتو..
. وكان ضيف الشرف عيسى حياتو..
. أول هجمه صفر قوون بس إحتار إحسبو لياتو.
.. قعد إتلفت وقام أهداهو لعيسى حياتو..

======
حمتو حسين
*********
عمك تنقو جاب صفاره
وقال الدنيا بقت غداره
واخير الكوره وحكم الرايه
وجاب الشنطه ولم هدومو
وقال في الكوره بكبر كومو
واول كوره بدا تحكيمه
كانت فاينل وزات قيمه
=====
بقلم نهال حلمي
********
عمك تابع كاس اوروبا
عرف ناس كاكا بدل سادومبا
اية المانع امش اسبانيا
واحكم كورة في المانيا
كان واكيد مورينو اداهو
...مكافأة شان انتر هو معاهو
وقعد اتخيل روحو هناك
حاكم بايرن وأنتر داك
صمويل ايتو الجاري شديد
جوران بانديف ياخي حديد
وعمك جاري وراهم حاسي
قاعد اكورك اه يا راسي
أريين روبين باصا كورتو
صاحبك توووووت وطلع ليو كرتو

قاليو خير ياتنقو خبارك
ايه بيدور يازول في بالك
قاليو ياخ انا من ما جيت
فد صفارة انا ما سويت
لا طلعت لي واحد احمر... مشاهدة المزيد
لا خوفت الناس بي اصفر
اعمل ايه جوليو يا ساتري
خلي الكورة تخش شان خاطري
عمك صحصح سرعة وفاق
قال والله صحيح ازواق
شن يجبرني اسك الكورة
جلدة وحبلن بيو معمولة
اخير لي جم العازة اقنب
بيت راكوبتو هواها يهبهب

========

بقـلم Marwa Izzeldyn
============

عمك تنقو حكم الكورة
نزل الملعب ولف ودور وجاط الكورة
ليعيبة تكسر
وعمك يينزر احمر واصفرو يجوط الكورة
وتاني تدور وعمك جنتر وراسو اتفجر
وفجاه يفكر
.....
و يخليها تاني تدور ويفك الجرية ويخلي الكورة
==========
Hithm Gbra
=========

عمك تنقو دخل الميدان وقال عايز الناس كلها حبان -صفرللبدايه وشايل همو من النهايه -
-وكانت المبارة صعبه للغايه احتسب فاااااول ---تمو الباقي شباااااااااب
========

بقلم /Ehab Gailani

عمك تنقو حكم مباراة الإنتر والباير
ونقد هدفي مليتو وادي بلنتي لروبين
جاب منو قوون والالمان شالو الكاس.
فجاه عمك صحي من نومتو
ولقي نفسو بحضر في كرة المريخ والخرطوم تلاته

======

بقـلم / Waddah Mubarak
=============

عمك تنقو مواهبو كتيره
قال الليله نشوف الكوره
شال صفارتو و لبس الساعه
و لما كروتو و قلم و سماعه
لبس الشورت و الشراب..
و ربط كدارتو في خشم الباب
ارح يا العازه امرقي بسرعه
حكمنا الدولي في عصر السرعه
الساعه 8 جوووه الميدان
جمهور سعران و استاد مليان
تييييييييييييييييييييييييييت
عمك صفر و بدت الكوره
عمك عاشم يكون اسطوره
وفي اول هجمه حصل الحاصل
اعاقه صحيحه عملت فاول
عمك تنقو بعيد بالحيل
جازف نظرو في عز الليل
تييييييييييييييييييييييييت
عمك صفر صفاره سنيـنه
و قال الليله نظام كولينا
و عمل الحيطه تلات خطوات
جاهو الكابتن فنجط و جاط
عمك حازم ما عجبو المنظر
صرف للاعب كرتاً أحمر
جاهو الكوتش و باقي التيم
اصطافو الفني و لجان تحكيم
و في خمس دقايق جاط الميدان
قزاز يتطاير و كمان بومبان
عمك تنقو ظروفو اختلفت
غلبو الموقف و قام يتلفت
و جدع صفارتو و قال يا ليل
و قام متفكفك قوي بالحيل


*********
أراء المعجبين

يونس زنون
=======

الانسان فى حد زاتو مجموعة من المواهب مابتكون معروفة لديه الا يعرف الطريقة الممكن
يكتشف بيها مواهبو وافضل طريقة لاكتشاف موهبة هو الاحتكاك باصحاب المواهب
والولوج داخل الدئرة الموهبية

==============

مشاركات متنوعـة تحكي عن موضوع واحد حددناه في يوم 23/مايو/2010

تنقو لاعب كورة بقلم عمر الطيب

عمك تنقو لاعب كورة
تأليف عمر الطيب رونالدو
¥¥¥¥¥¥¥¥

عمك تنقو شخصية مشهورة
كان أمنيتو يلعب كورة
عانى و جاسف حتين قدر
يتعرف على الساحرة المستديرة
¥¥¥¥¥¥¥¥
بدا بي راحة و بي جدية
أصلو الشغله بتبدا بالنية
بسوق العازة لأي ماتش
عشمو تتحقق ليه الأمنية
¥¥¥¥¥¥¥¥
أمنيتو الجادة يحصل ميسي
يفوتو و يتعاقد مع البيبسي
¥¥¥¥¥¥¥¥
بدا بي فريق صغير في الحله
عشان يتمرن و يلقى محله
¥¥¥¥¥¥¥¥



الأربعاء أغسطس 11, 2010 

الأربعاء، 16 فبراير، 2011

معلومه هامة عن بدايات عمّك تنقو

http://www.youtube.com/watch?v=KsSa_8lbpuA

نقدم بين ايديكم معلومة عن تاريخ وبدايات شخصيه عمك تنقو مع اساتذتنا الاجلاء حرصا منا على تكريمهم يومي هنا في قروب عمك تنقو من خلال قصص تنقو القديمه والحديثه التي تشبعنا بها واصبحت شخصية تنقو تجري في دمائنا . التحيه ايضا لاسرة الراحل الاستاذ /عوض ساتي ولكل من ابدع وساهم في (مجلة الصبيان وبالذات عمك تنقو ) ولا يفوتنا ان ن...شكر تلفزيون السودان ( برنامج دنيا) والتحيه أيضا للاستاذ/ شرحبيل احمد.

وتقبلوا تحياتي / زاهر الطيب
مشرف صفحة عمك تنقو في الفيس بوك
 

الثلاثاء، 15 فبراير، 2011

ثورة ضدعمك تنقو بقلم(عثمان محمد عثمان)



Osman Mohammad Osman

ثورة ضد عمك تنقو

بقلم/عثمان محمد
***
عمك تنقو قروشو كتيرة
عندو مصانع سمعة كبيرة
مرتو العازة عيالو تلاتة
عيشة جميلة شوفو حلاتة
بعد سنين عمك فكر
عايز يعرس امنة السستر
الظاهر عمك فيها مكسر
العازة كمان عرفت قصدو
معاها عيالا اتحالفو ضدو
امنة السستر معطو راسا
صلعة كبيرة باروكة مقاسا
عمك تنقو احتلو مصانعو
وباقى الحاصل كفاك السامعو
عمك تنقو رفع الراية
عرسو مطرشق أما حكاية

الاثنين، 14 فبراير، 2011

تنقو والمولد النبوي



هذه الرسمه بريشة الفنان التشكيلي 
نور الهادي الخضر مهداة للقروب 


تنقو والحمص
فكرة زاهر الطيب

14/02/2011
***
عمك تنقو الكله محبه
قال للعازة ناوليني الجبة
عليه نبينا صلى وحب
نسيمه عليل زارنا وهب
***
شال السبحة من لالوبة
كمان في كتفو درع النوبة
***
عمك تنقو الما متهور
يدق في النوبة ومره يدور
**
الناس منتشية تذكر وترقص
وعمك جادي ودايما مخلص
عابد ناسك كتير متحمس
ومن المولد طلع بحلاوة وحمص

السبت، 12 فبراير، 2011

عمك تنقو حلاق مع الصورة

عمك تنقو حلاق  نسخة اصلية 100 


عمك تنقو والحظ

عمك تنقو والحظ
بقلم زاهر الطيب
مايو/2010
========== 


عمك تنقو قفلت منه
قال في الدنيا خائب ظنه
فكر ينهي حياته بغرقة
او يضربه روحة بطلقة
لحظة ضعف ويأس شديد
عقله وقلبه راح لبعيد
اخر طلقة كان خاتيها
يحسم امره ويقضي عليها
ضرب البندق ومن الخلعـة
طيرة كبيرة وقعت في الصلعـة
عمك فقد توازنه وهب في الترعـة
عمك جلبغ وطلع بسرعة
جيوبه الفاضية من ما قام
اتملت اسماك وقال يا سلام
الليلة حظي ظبط تمام
***
(خالص تحياتي زاهر )

تنقو والشطرنج

عمك تنقو والشطرنج
بقلم زاهر الطيب
04/02/2011
***
عمك تنقو ابو حظا كج
قال للعازة نلعب شطرنج
...**
رص جنوده بكل مهارة
قال للعازة ديل الطاره
صمام امان وقت الغارة
ح تشوفي الليلة احلى مهارة
غط وزيره قال دي شطاره
تتهـد الطابيـة ماها خساره
حصاني يموت اقول دي حقاره
الرخ يتحرك وقت الكارة
**
عمك يخطط، وحصانه ينطط
والعازة تدافع في حصاره تظبط
**
عمك تنقو في لحظة يطش
حاول وحاول يلعب غش
والعازة في غفلة قالت كش

عمك تنقو مندوب البان

عمك تنقو مندوب البان
زاهر الطيب
25/12/2010
===

عمك تنقو الكان غلبان
بقى مندوب في شركة البان
**
عمك تنقو شكلو هميم
سايق يوزع في كل اقليم
**
عمك تنقو موزع شاطر
مرة في بحري ومرة الفاشر
**
يوم ودوه لعد الفرسان
عمك تاه وكان نعسان
**
عمك صحصح وجاته اللجة
من الشارع العام ماشي في دلجة
مع الدقداق وحركة الرجـة
اللبن عبوه بقى يتخج
**
رجع المصنع بعد جهد وعذاب
و أدوه لبن جابو رواب
****

(( تحيتي / زاهر الطيب))

تنقو والمشاكل (محمد بركات دلة)

عمّك تنقو والمشاكل
بقلم محمد بركات دلة
***********


عمك تنقو دور شكله 
ربط جلابتو وكفكف ايديها

شكله قويه مولعه نار

 دايرين حجاز يقوم يطفيها

عمك حالف مايستهدي

 الا القرارات الظالمه تمام نخفيها

الهمجيه والسطحيه والاستغلال 

ومشاعر الناس ماناذيها

نحب لي غيرنا مهما كان

 ونفسي نفسي دي نخليها

لو مااتعلمنا من الايام

 وسبنا احباط كلمه عامل فيها

عمر الامه ماحاتتقدم

 وبدايه النقطه نلف ونجيها

لازم نصمد بالايمان

 واحلامنا الصغيره كمان نبنيها

تعيش امجادك يااوطان

 دمانا الحاره جميع تفديها

تسمو ارواحنا بي افراحها

 تحقق سعاده منها وبيها

يارب تلغي الامر كان

رايه الظالم في القاع دليها

***
( الامر كان_ الامريكان )

تنقو والغربة (مجلة الصبيان)

عمّك تنقو والغربة
نسخه اصلية مجلة الصبيان
**********


عمك تنقو في ساعة كربة
قال حرم طلقت الغربة

سلام يا كفيل سلام يا اقامة
اعيش في السودان مرفوع القامه

لا اجي حج ولا بجي عمرة
ومافي جواز اخير بالمرة

نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب

ربط الفيديو معاهو الدش
وقال حرمت اعيش في غش

دفع الجمرك كم مليون
وعمك وشو بقي كم لون

قال يا بلدنا حنينة زمان
اية الحاصل في السودان ؟؟

رهن البيت ونزل السوق
وقال حيتاجر في الطايووق

وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز

وبي نص حركة وبنك البركة
عمك لاص وضرب الربكة

وقال انا بس عاوز راس مالي
عشان بالمبلغ اربي عيالي

وعمك دار ما خلا بصيرة
وكان في اول صف تاشيرة

قال يا نفط وسلام يا سلام
تكون القصة كلام في كلام ؟؟




عمك تنقو يوم العيد( مبارك السناري)

عمّك تنقو يوم العيد
محمد المبارك السناري
=======

عمك تنقو في يوم العيد
خاتي الشال ولافي العمة
عامل فيها زعيم للأمة
وقال للناس أنا عالي الهمة
جاتو العازة بالمفراكة
وين ياراجل ماشي براك
محل ماتطش ياني وراك
كانت شامة شوية ريحة
وخايفة عمك يعرس فيهة
وعمك عامل زول تفتيحة
قال للعازة إنتي فصيحة
أحسن تبقي شوية صريحة
جرت ليها حبل مربوط
ونزلت فيهو بالشلوت
عمك خاف ورفع الصوت

وقال يا العازة لمن أموت
غيرك ما أشوف ولا تاني أجوط

11 سبتمبر،2010 الساعة 07:34 مساءً ·

تنقو والفيس بوك (مبارك السناري)

عمّك تنقو والفيس بوك
بقلم: محمد المبارك السناري
========

عمك تنقو في الفيس بوك
منور ديمة وساري حبايبو
لامي الناس ويروي
عجايبو.. وبي قفشاتو صاروا قرايبو
والكل مبسوط مرتاح لغرايبو.
يخفف يمسح هموم الناس
 بي خفة دم منتهى الاخلاص
يديك العافية وتسلم لينا
نشيل ليك العازة في عينينا
لا تهرش فيك لا تجوط فيك
عشان خاطرنا تبقى إضينة
وكت فلسان تقوم تديك
وكان غنيان تبقالة خزينة

07 سبتمبر،2010 الساعة 03:25 مساءً ·

عمك تنقو ورمضان (مبارك السناري)

عمك تنقو ورمضان 
بقلم : محمد المبارك السناري
=========
عمك تنقو في رمضان

ماسك السبحة والقرآن
والساعة كانت مع الأذأن
والعازة فاطرة مع الجيران
والحالة واقفة وكان فلسان
جوهو جماعة في الديوان
عمك فكر وشال صينية
فيها شوية من الطعمية
وصحن اللقمة بالتقلية
جنب الباب وقعت منو
وطار كل اكله وقام لي جنو
هوي ياناس أسوي شنو
عيب الزاد ولا عيب سيدو
لملم عفشو ونادى جماعتو
اصلو الحاصل شفتو براكم
 يا نتصرف وناكل منو
او الباب ياهو وراكم

06 سبتمبر،2010

الساعة 03:45 مساءً 

تنقو قارئ عداد (مجلة الصبيان)

عمّك تنقو موظف في الكهرباء
نسخة اصلية مجلة لاصبيان
===============

عمك تنقو صاحب الراي
استوظف مره بقي قراي
قبال مايعاني في العداد
يقول لناس صرفكم زاد
جات فواتير ارقامها خيالي
واشتكت الناس لمديرو المالي
اتلموا عليه شباب الحله
طلع الشجره ابي يدلا

الجمعة، 11 فبراير، 2011

عمك تنقو سجـان ( مجلة الصبيان)

عمك تنقو سجـان
نسخـة أصليـة
===========

عمك تنقو بقى سجان
لابس واقف زي الجان
مرة يحوم شايل بند
ق ومرة يصنقر شبه الفندك
مرة يصنقر في الكركون
زي اللاعب حارس القون،
حرس ليو مرة سجان مرضان
ختى الكرسي وقال تعبان
رغم الجوع ورغم الفلسة
عمك تنقو راح في الدقسة
سجان اتظهر ياخد جرعة
راح مدبي وزاغ بى سرعة
بعد ما شافو عمك جاري
لقاو مدسي جو المجاري


عمك تنقو امام مكلف

تنقو و امام مكلف
فكرة زاهر الطيب

11/02/2011
***
عمك تنقو زول تمام
دخل المسجد وقعد قدام
سمع الخطبة بكل اهتمام
قاعد يدعوا وقال يا سلام
الحمد لله على نعمة الاسلام
موقف صحي حصل للامام
***
قال يا عمو تعال استخلف
واصل الصلاة وانت مكلف
عمك تنقو بقى يترجف
قا يا شيخنا ما اظني اعرف
***
عمك وقال يا شيخنا المرضي
انا نسيت وما متوضي

الأربعاء، 9 فبراير، 2011

تنقو فنان الموسم بقلم Reem Khalid‎


تنقو كان بيغني براهو 

ماشي ومافيش حد معاهو
قرر فجاة يكون فنان 

وكل الناس تتجاري وراهــو 

بحلم انو يكون مشهور

نجمو يشعشع فوق في سماهو
زول جمهوروكبير وخرافي 

يحلم انو دوام يلقاهوااااااااا
وصورو تكون في كل شوارع

وتصبح كل الناس تهواهوا
في بيت جيرانهم كانت حفله

قرر يكون فنــــان الغفله
ناس الحفله قريب جيرانهم 

عرس الشاطره السمحه منيره
وعمنا قال يغتنم الفرصه

قرر يغني غنيوه شهيـــره
فيها الناس تكتشف البيهو

وفيها يماااااااشي حقوق الجيره

كان الناس في نص الدايرة
والعرسان في فرحة كبيرة
تنقو شال المايك وغني
وصوتو حقيقة حكايتو عويرة
زعل كل الناس في الحفلة
والفنانه البت شكيرا
خطفت منو المايك فجأة
وظهرت انو البت شريرة
فجأة الناس انفعلت فيهو
طوب في راسو كأنو زخيرة
عمنا ربنا جد نجاهو
وكانت لحظة صراحة مريرة
للمستشفي سريع ودوهو
اصلو اصابتو ياناسنا خطيرة

خميس عمّك تنقو بقلم /جراح الماضي

خميس عمّك تنقو 
بقلم /جراح الماضي
=============

عمك تنقو الليله خميسو *
لبس الجنز وشك قميصو
فوق قدومو خته سجاره *
وفي العينين كابس نضاره
لابس جزمه كمان اسبورت *
وفي الجزلان شايل بسبورت
شايل منيل فوق الايد *
خاتم فضه وساعه حديد
عمك تنقو اخر قشره *
فتح الرادي وسمع النشره
اخر خبر في اخر النشره *
اعمل حسابكم ح تنزل مطره
عمك تنقو راكب راسو *
لازم يمرق يلحق ناسو
نفذ رايو ومشي مشوارو *
سايق خالو وعمو وجارو**
جات المطر وهوفي نص الخور *
وعينك ما تشوف الا النور

=========

عمّك تنقووالفرن (مجلة الصبيان)

عمّك تنقو والفرن
نسخـة اصليـة
===========

عمك تنقو افندي حريف
قال الليلة غداءنا رغيف
راح طوالي علي الطابونة
شايل الكيس وكمان بسطونا
فوق الصف حصلت شكلة
قميصو اشرط وعدم الفتلة
رجع البيت بروح منكسرة
وقال للعازة اخير الكسرة 

عمّك تنقو سمسار بقلم/Abo Alnaeem

عمك تنقو سمسار
بقلم Abo Alnaeem
==============

عمك تنقو بقي سمسار
كتب في اليافته تنقو عقار
بيع وشراء كمان اجار
شيخ للحلة ومصدر اخبار
جوهو جماعة دايرين اجار
حاجة السرة بيوته كتار
حلفت ماتدينهم دار
عمك فاهم مابحتار
عمل للسرة حلقة ظار
جاب لي جماعة يدقوا الطار
بشير ياحاجة طلباتو كتار
تجيبي بخور وتولعي نار
بيوتك فاضية ودايرة اجار
مع كل رمية يدقوا الطار
خلوا الحاجة تلف ترتار
قالت بسراع جيبو السمسار
اجر للناس وبقي ليها مستشار
فكر عمك في استتمار
حاجة السرة قروشة كتار
مره شبعانة ملانة عقار
عرس مجاني وعقود اجار
ارطب واغرق في الدولار

(الي اللقاء في الحلقة القادمة)

نسخة اصلية ( مجلة الصبيان)

خروف العازة 
نسخة اصلية ( مجلة الصبيان)
*****


في مرة العازة ضابحالا خروف
 عشان عازمالا الليلة ضيوف
ناس كلتوم وناس التاية

 وبرضو الشول ست الغنماية.
قعدو اتحكرو ناس كلتوم

 وجابو الشطة ودقو التوم
وعمك قاعد برة الصورة

 وفاحت الشية وختو فطورا
اتجنن تنقو وراح لي جارو 

العندو قرد مربوط في دارو
قالو قاصدك خدمة صغيرة

 قردك ثانية مافيش غيرا
جابو وجاهم جوة الاوضة 

وخلا الموقف اكبر فوضة
هربو سريع خلو الصينية 

واتهني العم بي اكلة هنية...

هدية بريك لي تنقو (مجلة الصبيان)

عمك تنقو وبريك
( عام 1991م )
============

عمك تنقو هدو ليهو بريك
**
قال بي لقطة اوبي شيك
**
جابو البيت وقال للعاذة يشرب
بارد ياكل طازج
**
سرحي ليهو مسحي ليهو
وشو كمان كرعيهو
**
بريك اتعجب بقي مغرور
فضل يسوي زي مايدور
**
عمك نايم وآخر شخرة
جاهو بريك كجم النخرة
**
قام مفزوع وختف الشدة
**
بريك نطة في طشت العدة
**
جاتو العاذة جانه جنونها
عمك خاف قاملو قرون

*(مجلة الصبيان1991)

(بريك : اسم كلب)

تنقو حارس مرمى (مجلة الصبيان)

عمّك تنقو حارس مرمى
===========

عمك تنقو قام اتحمي
سجل نفسو حارس مرمي
شكا فنيلتو لفا كراعو
وختا حجابو فوق لضراعو
هاك ياجونتي فوق الليد
فاول الركبه عندو مفيد
فضل احوم من جاي لجاي
ومره ينطط زي الياي
اول شوته هدفا لاسع
وقال لتيم قونكم واسع
تاني واحده جات صاروخ
وخبطت عمك في النافوخ
وتالتا وحده كانت قارضه
وعمك نطه فوق للعارضه
وفجاة الكوره دخلت تووش
وفوق الصلعه نزل برطوش
اخيرا هاج فضل اناور
خلا القون وكنب احاور
وجا الجمهور ياخت التار
عمك طار وبقي عصار
===============